თბილისი-სენაკი-ლესელიძის საავტომობილო გზის 114-დან 194 კილომეტრამდე მონაკვეთზე (ახალსოფლის სატრანსპორტო კვანძი-ზესტაფონი) ყველა სახის ავტოტრანსპორტის მოძრაობა დროებით აიკრძალა. საავტომობილო გზების დეპარტამენტის განცხადებით, 147-ე კილომეტრზე მცირე ქვათაცვენის გამო, გზის გაწმენდაა საჭირო.
ახალი ამბები
მკითხველის რჩეული
- 1 რუსეთის 2 361 მოქალაქეს მიანიჭეს საქართველოს მოქალაქეობა 2024 წელს
- 2 თბილისის პოლიციის დეპარტამენტის დირექტორად ლაშა გოგნიაშვილი დაინიშნა
- 3 კობახიძე რუსეთის ხსენების გარეშე 9 აპრილზე პასუხისმგებლად „უცხოურ ძალას“ აცხადებს
- 4 რა წერია უცხოური გრანტების წინააღმდეგ „ქართული ოცნების“ კანონპროექტში
- 5 აქციის მონაწილეებმა რუსთაველის გამზირზე, 9 აპრილის მემორიალთან ღამე გაათენეს
- 6 ბრიტანეთმა ადამიანის უფლებების დარღვევის გამო „ოცნების“ 4 მაღალჩინოსანი დაასანქცირა
„გზის სავალი ნაწილის გაწმენდამდე, დროის აღნიშნულ პერიოდში, მსუბუქი ავტოტრანსპორტის მოძრაობა განხორციელდება შიდასახელმწიფოებრივი მნიშვნელობის გომი-საჩხერე-ჭიათურა-ზესტაფონის საავტომობილო გზის გავლით, ხოლო მისაბმელიანი და ნახევრადმისაბმელიანი ავტოტრანსპორტის მოძრაობა აკრძალულია“, - აცხადებენ გზების დეპარტამენტში.
გაწმენდითი სამუშაოების დასრულების შემდეგ, რიკოთის მიმართულებით მოძრაობა დაწესებული სპეციალური რეჟიმით აღდგება.
რიკოთის უღელტეხილი, 149-ე კილომეტრზე საშიში მეწყრული პროცესების განვითარების გამო, 30 მარტს ჩაიკეტა. ავტოტრანსპორტის მოძრაობა 8 აპრილს, სპეციალური რეჟიმით განახლდა. გზების დეპარტამენტის გადაწყვეტილებით, 07:00 საათიდან 19:00 საათამდე პერიოდში დასაშვები იყო მხოლოდ მსუბუქი და სამგზავრო ავტოტრანსპორტის გადაადგილება, ხოლო 21:00 საათიდან დილის 06:00 საათამდე - სატვირთო ავტომანქანები მოძრაობდნენ.
19 მარტს, თბილისი-სენაკი-ლესელიძის საავტომობილო გზის 161-ე კილომეტრზე (სოფელ ვერტყვიჭალასთან) მთის ფერდიდან მეწყერი ჩამოწვა და საავტომობილო გზა ჩაკეტა. 13 მარტს, მეწყერი ჩამოვიდა უბისა-შორაპნის მონაკვეთზე, მე-10 კილომეტრზე და მშენებარე გვირაბის ნაწილი დააზიანა.
ამ თემაზე:
როცა ასეთ გზას აშენებ, ეს არ არის სრულყოფილი კვლევა - გოდოლაძე რიკოთის პროექტზე
