ოკუპირებული ცხინვალის რეგიონის ე.წ. პრეზიდენტმა, ალან გაგლოევმა „რესპუბლიკის ძალოვანი ბლოკის“ ხელმძღვანელობას დაავალა, ყურადღებით დააკვირდენენ „საზღვარზე“ არსებულ სიტუაციას 4 ოქტომბერს საქართველოში დაგეგმილი ადგილობრივი თვითმმართველობის არჩევნების წინ.
ახალი ამბები
მკითხველის რჩეული
- 1 ვლადიკავკაზში ქორწილის მონაწილეები საქართველოს დროშების გამოყენებისთვის დააპატიმრეს
- 2 ქართველი სამხედრო მფრინავი ზვიად ბექაური დაიღუპა კონგოს დემოკრატიულ რესპუბლიკაში
- 3 დამოუკიდებელი მედიების რედაქტორები ელისო კილაძის საქმის განხილვის საჯაროობას ითხოვენ
- 4 გაუპატიურება, წამება და დაკარგული ჩვილი - ნატა ვიბლიანის საქმეზე გამოძიება დაიწყო
- 5 „სიკვდილი ამერიკას, სიკვდილი ისრაელს“ - ფონიჭალის მეჩეთმა მოჯთაბა ხამენეის მიმართვა გააზიარა
- 6 ზახაროვა თბილისში რუსული ენის დღის საპროტესტო აქციის მონაწილეების დასჯას ითხოვს
გაგლოევმა ხაზი გაუსვა „აგრესიული უმცირესობების მხრიდან შესაძლო პროვოკაციებზე სწრაფი რეაგირების აუცილებლობას“.
„იგივე ძალები, რომლებიც 2008 წელს ხელისუფლებაში იყვნენ და დღეს ოპოზიციაში არიან, მუდმივად ცდილობენ რაღაც პროვოკაციების მოწყობას, მათ შორის საზღვარზე. ამიტომ, მოდუნება არ შეიძლება და სახელმწიფო უსაფრთხოების კომიტეტმა, სასაზღვრო სამსახურმა, თავდაცვის სამინისტრომ და მთელმა ძალოვანმა ბლოკმა ოპერატიულად უნდა აკონტროლონ სიტუაცია, რათა არ დაუშვან არანაირი პროვოკაცია“, – განაცხადა ე.წ. სამხრეთ ოსეთის პრეზიდენტმა.
4 ოქტომბერს, მოქალაქეები და ოპოზიციური პარტიები, რომლებიც ადგილობრივი თვითმმართველობის არჩევნებს ბოიკოტს უცხადებენ, თბილისში საპროტესტო აქციის გამართვას აპირებენ. აქციის ორგანიზატორთა ნაწილი ამბობს, რომ ეს იქნება მშვიდობიანი რევოლუცია, რის შედეგადაც „ქართული ოცნების“ ხელისუფლებას გადადგომა და ვადამდელი საპარლამენტო არჩევნების დანიშვნა მოუწევს.
