პროევროპული აქციების მონაწილის, საბა ჯიქიას 4.5 წლით დაპატიმრებას Amnesty International-ი გამოეხმაურა. საერთაშორისო უფლებადამცველი ორგანიზაციის მიერ გავრცელებულ განცხადებაში ნათქვამია, რომ სასამართლომ საბა ჯიქიას მიმართ არასრულწლოვანთა მართლმსაჯულების პროცედურები არ გამოიყენა.
ახალი ამბები
მკითხველის რჩეული
- 1 რიჟვაძის საქმეზე საზღვაო ტრანსპორტის სააგენტოს დირექტორი ალექსი ახვლედიანი დააკავეს
- 2 მზია ამაღლობელს ერთ თვალში მხედველობა 10 %-მდე შეუმცირდა, მეორეში - 0,04 %-ია - ადვოკატი
- 3 პაპუაშვილი არჩევნებზე წალენჯიხის მერიის განცხადებას „საბოტაჟს“ უწოდებს
- 4 ივანიშვილ-კუპრაშვილის ბიურომ რუსული კანონების აღსრულება დაიწყო - არასამთავრობოები
- 5 სასამართლომ ნიკა გვარამიას პატიმრობა შეუფარდა
- 6 სტიკერის გაკვრაზე მზია ამაღლობელი მეორედ გაასამართლეს და 1000 ლარით დააჯარიმეს
ორგანიზაცია აღნიშნავს, რომ არასრულწლოვანთა მართლმსაჯულების პროცედურების გამოყენებისას, 18-დან 21 წლამდე ასაკის ბრალდებულების მიმართ თავისუფლების აღკვეთა დასაშვებია მხოლოდ უკიდურესი ზომის სახით და რაც შეიძლება მოკლე ვადით. თუმცა, მიუხედავად იმისა, რომ საქართველოს სასამართლოებში 18-დან 21 წლამდე ასაკის პირებისთვის არასრულწლოვანთა მართლმსაჯულების დებულებები ფართოდ გამოიყენება, ისინი საბა ჯიქიას საქმეზე არ ყოფილა გამოყენებული. საბა ჯიქია დაკავების დროს 18 წლის იყო.
„საბა ჯიქიას სასამართლო პროცესს ჩრდილი მიადგა სამართლიანი სასამართლოს შესახებ შეშფოთებისა და არასრულწლოვანთა მართლმსაჯულების პროცედურების გამოუყენებლობის გამო, რაც, როგორც წესი, 18-დან 21 წლამდე ასაკის ბრალდებულებისთვის საქართველოს კანონმდებლობით ხელმისაწვდომია. მის წინააღმდეგ მტკიცებულება მოიცავს ვიდეომასალას, რომელსაც მისი დაცვა აპროტესტებდა და ბრალდების მხარის ექსპერტის დასკვნები, რომლის ჯვარედინი დაკითხვაც მისმა დაცვამ ვერ შეძლო“, - განაცხადა Amnesty International-ის აღმოსავლეთ ევროპისა და ცენტრალური აზიის დირექტორის მოადგილემ, დენის კრივოშეევმა.
Amnesty International-ი აცხადებს, რომ დაკავების შემდეგ საბა ჯიქიას, ისევე როგორც სხვა დაკავებული მომიტინგეებს, წინასწარი პატიმრობა შეეფარდა წინასწარი პატიმრობის საფუძვლებისა და ალტერნატიული აღკვეთის ღონისძიებების სათანადოდ განხილვის გარეშე.
„არსებობს უფრო ფართო ტენდენცია, როდესაც მომიტინგეებს უსამართლო სასამართლო პროცესების შემდეგ ხანგრძლივი პატიმრობა ეკისრებათ.
ამავდროულად, საქართველოს ხელისუფლებამ არ გამოავლინა სურვილი, გამოეძიებინა პოლიციის მიერ ჩადენილი მძიმე დარღვევები, რადგან არცერთი სამართალდამცავი ორგანოს წარმომადგენელი არ მიუციათ პასუხისგებაში დაკავების დროს მომიტინგეების ფართოდ გავრცელებული არასათანადო მოპყრობისა და პატიმრობაში მათი წამების ბრალდებებისთვის.
მართლმსაჯულებისადმი შერჩევითი მიდგომა ღრმა შეშფოთებას იწვევს. საქართველოს ხელისუფლებამ დაუყოვნებლივ უნდა დაასრულოს ეს დაუსჯელობა და უსამართლობა“, - განაცხადა დენის კრივოშეევმა.
10 ივლისს, თბილისის საქალაქო სასამართლოს მოსამართლე თამარ მჭედლიშვილმა 19 წლის საბა ჯიქიას 4 წლითა და 6 თვით თავისუფლების აღკვეთა მიუსაჯა. ის 2024 წლის 5 დეკემბერს დააკავეს რუსთაველის გამზირზე მიმდინარე საპროტესტო აქციაზე, განსაკუთრებულ დავალებათა დეპარტამენტის თანამშრომლისთვის ფეხის ჩარტყმის ბრალდებით. დაზარალებულად ცნობილმა სპეცრაზმელმა, ბექა გოტიაშვილმა სასამართლოში გამოკითხვის დროს თქვა, რომ დაზიანება არ მიუღია. საბა ჯიქია ბრალს არ აღიარებდა.
