ბათუმში, სასტუმრო „შერატონში“, „ქართული ოცნების“ წევრები ფიზიკურად გაუსწორდნენ პარტია „საქართველოსთვის“ თავმჯდომარესა და ყოფილ პრემიერ-მინისტრს, გიორგი გახარიას. ჯგუფურ თავდასხმაში მონაწილეთა შორის არალეგიტიმური პარლამენტის დეპუტატი დიტო სამხარაძე და აჭარის უმაღლესი საბჭოს ყოფილი წევრი, აჭარის ფინანსთა და ეკონომიკის მინისტრის მოადგილე გიორგი მანველიძეც იყვნენ.
ახალი ამბები
მკითხველის რჩეული
- 1 რა მოხდა თელავის სასტუმროში, სადაც რუსეთის მოქალაქის ცემის ბრალდებით მამაკაცი დააკავეს
- 2 საპატრულო პოლიციამ შშმ პირს მანქანაში ჩააფსმევინა, შსს-ს 10 ათასის გადახდა დაეკისრა
- 3 283 ქოთანი და 7 კგ გამომშრალი მარიხუანა - დიზაინერ რატი რატიანს 15 წელი მიუსაჯეს
- 4 ბანკირის ენერგოპროექტი - გოგნის ქარის ელექტროსადგურისთვის კოლხურ ტყეებს გაჩეხავენ
- 5 სოხუმი მასშტაბური ენერგოკოლაფსის მიზეზად ენგურჰესზე მომხდარ ავარიას ასახელებს
- 6 ნატა ვიბლიანის გაუპატიურების ერთი ეპიზოდი მამის საფლავზე მოხდა - ადვოკატი
გიორგი გახარია საავადმყოფოშია გადაყვანილი. თვითმხილველების ინფორმაციით, ის სასტიკად არის ნაცემი.
„ყველას მოგაკითხავთ. წარმოდგენა არ გაქვთ რამხელა შეცდომა დაუშვით. დანდობა არ იქნება, გპირდებით! 24 საათში არ იქნება ყველა თავდამსხმელი დაკავებული და თქვენც მოგაკითხავთ! ივანიშვილო, საბრალდებო სკამზე დაგსვამ პირადად! ერთი მტკიცებულება მაინც რომ დამხვდეს განადგურებული, ცუდად იქნება თქვენი საქმე. ვურეკავ აჭარის პროკურორს. არ მპასუხობს. „შერატონის“ დაცვა უკვე გადამალეს. მტკიცებულებების განადგურება დაიწყეს“, - დაწერა სოციალურ ქსელ Facebook-ში პარტია „საქართველოსთვის“ თავმჯდომარის მოადგილემ, ყოფილმა პროკურორმა ნათია მეზვრიშვილმა.
14 იანვარს, გახარია თანაპარტიელებთან ერთად ბათუმის საქალაქო სასამართლოში პროცესებს ესწრებოდა. ბოლო დღეებში ბათუმში გამართულ საპროტესტო აქციებზე დაკავებულთა შორის „საქართველოსთვის“ წევრებიც არიან. სასამართლომ მათე ცენტერაძეს 5, ხოლო ელიზბარ ჩხიკვაძეს 12-დღიანი ადმინისტრაციული პატიმრობა შეუფარდა.
