ოკუპირებულ ცხინვალის რეგიონში, ჯავის რაიონულმა სასამართლომ ორი წლით თავისუფლების აღვეთა მიუსაჯა საქართველოს მოქალაქეს, 35 წლის გიორგი მოსიაშვილს. ის „დამნაშავედ“ ცნეს სამხრეთ ოსეთის დე ფაქტო რესპუბლიკის საზღვრის უკანონო კვეთაში. ამის შესახებ ინფორმაცია დღეს რუსულმა მედიამ გაავრცელა.
ახალი ამბები
მკითხველის რჩეული
- 1 აქციების დროს თბილისში რუსეთის პოლიციის პროფკავშირების ასოციაციის უფროსი იმყოფებოდა
- 2 უილსონი: თუ ივანიშვილი 29 დეკემბრის გეგმას განახორციელებს, წარმოუდგენელ პასუხს უნდა ელოდეს
- 3 ბალტიის ზღვაში კაბელის დაზიანებაში ეჭვმიტანილი გემის კაპიტანი საქართველოს მოქალაქეა
- 4 რას ამბობს გდდ-ის ყოფილი მაღალჩინოსანი საქართველოდან გამგზავრებამდე მიცემულ ინტერვიუში
- 5 დაძაბულობაა ბოლნისში, სადაც ავტოავარიას ორი არასრულწლოვანი ემსხვერპლა
- 6 გერმანიამ საქართველოში მომიტინგეებზე ძალადობაზე პასუხისმგებელ 9 პირს ქვეყანაში შესვლა აუკრძალა
გიორგი მოსიაშვილი საჩხერის მუნიციპალიტეტის სოფელ პერევის მცხოვრებია, რომელიც 2023 წლის 31 ოქტომბერს ოკუპირებულ სოფელ სინაგურის მიმდებარე ტერიტორიიდან გაიტაცეს. გიორგის თანასოფლელები ამბობდნენ, რომ ის მეგობრებთან ერთად სათევზაოდ იყო წასული მდინარეზე, რომელიც ახლა რუსებს აქვთ დაკავებული.
საოკუპაციო რეჟიმის ინფორმაციით, გიორგი მოსიაშვილმა უკანონოდ გადაკვეთა „სამხრეთ ოსეთის“ საზღვარი და დაკავებამდე 25 კგ კალმახის დაჭერა მოახერხა. ე.წ. სასამართლომ ასევე დააკმაყოფილა „გარემოსდაცვითი კომიტეტის“ სარჩელი და საქართველოს მოქალაქეს მატერიალური ზიანის ანაზღაურებაც დააკისრა.
დღეს, ცხინვალის რეჟიმის უკანონო პატიმრობაში საქართველოს 7 მოქალაქე რჩება.
საქართველოს სახელმწიფო უსაფრთხოების სამსახურის წლიური ანგარიშის მიხედვით, 2023 წელს, ოკუპირებული ცხინვალის რეგიონის მიმართულებით უკანონო დაკავების 37 შემთხვევა დაფიქსირდა.
