Օկուպացված Ցխինվալիի շրջանում՝ Ջավայի շրջանային դատարանը 35-ամյա Գիորգի Մոսիաշվիլիին դատապարտել է երկու տարվա ազատազրկման։ Նա «մեղավոր» է ճանաչվել դե ֆակտո Հարավային Օսիայի Հանրապետության սահմանն ապօրինի հատելու համար։ Այս մասին այսօր տեղեկություն են տարածել ռուսական լրատվամիջոցները։
Լրահոս
Ընթերցողի ընտրանի
- 1 Եվրոպական խորհրդարանը 490 ձայնով ընդունել է Վրաստանի վերաբերյալ ևս մեկ քննադատական բանաձև
- 2 8 եվրոպական առաջարկություն, որոնց չկատարումը կարող է հանգեցնել վիզայի ազատականացման կասեցմանը
- 3 Գախարիայի կուսակցությունը և «Լելոն» ստորագրել են հուշագիր ընտրությունների վերաբերյալ
- 4 Եվրահանձնաժողովը նամակ է պատրաստում Վրաստանի համար վիզայի ազատականացումը կասեցնելու վերաբերյալ․ Յոզվյակ
- 5 FTM. «Իմեդի»-ի սեփականատեր Իրակլի Ռուխաձեի չորս բիզնեսները գրանցված են Նիդերլանդներում
- 6 Զատուլինի խոսքով՝ այս կառավարության օրոք Վրաստանը ստիպված կլինի մոռանալ ԵՄ-ին և ՆԱՏՕ-ին միանալու մասին
Գիորգի Մոսիաշվիլին Սաչխերեի մունիցիպալիտետի Պերեևի գյուղի բնակիչ է, ով առևանգվել է 2023 թվականի հոկտեմբերի 31-ին օկուպացված Սինագուրի գյուղի հարակից տարածքից։ Գիորգիի համագյուղացիները պատմել են, որ նա ընկերների հետ ձուկ որսալու է գնացել գետ, որն այժմ օկուպացված է ռուսների կողմից։
Ըստ օկուպացիոն ռեժիմի տեղեկությունների՝ Գիորգի Մոսիաշվիլին ապօրինի հատել է «Հարավային Օսիայի» սահմանը և մինչ ձերբակալությունը հասցրել է բռնել 25 կգ կարմրախայտ։ Այսպես կոչված դատարանը բավարարել է նաև «Շրջակա միջավայրի պահպանության կոմիտեի» հայցը և կարգադրել Վրաստանի քաղաքացուն փոխհատուցել նյութական վնասը։
Այսօր Վրաստանի 7 քաղաքացիներ շարունակում են մնալ Ցխինվալիի ռեժիմի անօրինական կալանքի տակ։
Վրաստանի Պետական անվտանգության ծառայության տարեկան զեկույցի համաձայն՝ 2023 թվականին օկուպացված Ցխինվալիի շրջանի ուղղությամբ ապօրինի ձերբակալության 37 դեպք է գրանցվել։
