სომხეთმა რუსეთს გაუგზავნა ოფიციალური წერილი, რომელიც ზვართნოცის საერთაშორისო აეროპორტში რუსეთის უშიშროების ფედერალური სამსახურის მესაზღვრეების საქმიანობის შეწყვეტას ეხება.
ახალი ამბები
მკითხველის რჩეული
- 1 ეს არის ღალატი, ამ კანონით ეს ქვეყანა თქვენ მიგყავთ რუსეთისკენ - ეთერ თურაძე შალვა პაპუაშვილს
- 2 სტიგმატიზება საბედისწერო შეიძლება იყოს ადამიანების სიცოცხლისთვის - ზენონი რუსულ კანონზე
- 3 ფიცს ვდებ, თუ კანონს არ გაიწვევენ, დავტოვებ პარტიას და თანამდებობას - „ოცნების“ წევრი თელავიდან
- 4 ბიძინა ივანიშვილის ანტიდასავლური გზავნილები
- 5 მთავრობამ 7, 8 და 10 მაისი უქმე დღეებად გამოაცხადა
- 6 ჩვენს აქციებზე იყო დაახლოებით ხუთჯერ მეტი გამოსული - კობახიძე
„სომხეთს ამ საკითხზე მკაფიო პოზიცია აქვს. ვაცნობეთ, რომ ზვართნოცის აეროპორტში მომსახურებას სომხეთის სასაზღვრო ჯარები უნდა ახორციელებდნენ“, - განაცხადა უშიშროების საბჭოს მდივანმა, არმენ გრიგორიანმა.
კითხვას, რატომ გაჩნდა ასეთი საჭიროება, გრიგორიანმა უპასუხა, რომ დამოუკიდებლობის პერიოდში სომხეთი პოტენციალს იძენს სხვადასხვა მიმართულებით და ამ დროისთვის მას აქვს პოტენციალი, სრულად გააკონტროლოს აეროპორტი.
რუსეთის უშიშროების ფედერალური სამსახურის სასაზღვრო სამმართველო სომხეთში 4 სასაზღვრო რაზმს მოიცავს - გიუმრიში, არმავირში, არტაშატსა და მეღრიში, ასევე ცალკე გამშვებ პუნქტს ერევნის ზვართნოცის საერთაშორისო აეროპორტში. რუსი მესაზღვრეების სომხეთში ყოფნის საფუძველი 1992 წელს გაფორმებული სახელმწიფოთაშორისი შეთანხმებაა.
რამდნიმე დღის წინ ამ საკითხზე კომენტარი სომხეთის პარლამენტის თავმჯდომარემ, ალენ სიმონიანმაც გაკეთა. მისი თქმით, „სწორი იქნებოდა“, რუსი მესაზღვრეები აეროპორტიდან წასულიყვნენ. „ჩვენი ქვეყნის საზღვრებს თავად დავიცავთ და არ ვარ დარწმუნებული, რომ ისინი დაიცავენ“, - აღნიშნა სიმონიანმა. ამ განცხადებას „არამეგობრული ქცევის“ მაგალითი უწოდა რუსეთის საგარეო საქმეთა სამინისტროს ოფიციალურმა წარმომადგენელმა, მარია ზახაროვამ.
თებერვლის ბოლოს სომხეთის პრემიერ-მინისტრმა ნიკოლ ფაშინიანმა ტელეკომპანია France 24-თან ინტერვიუში განაცხადა, რომ კოლექტიური უსაფრთხოების ხელშეკრულების ორგანიზაციაში (ОДКБ) მისი ქვეყნის წევრობა ფაქტობრივად გაყინულია. ფაშინიანმა ამის მიზეზად დაასახელა ის, რომ 2021-2022 წლებში, სომხეთ-აზერბაიჯანს შორის კონფლიქტების დროს, ორგანიზაციამ სომხეთთან მიმართებაში „უსაფრთხოების ვალდებულებები არ შეასრულა“. ამასთან, ნიკოლ ფაშინინმა თქვა, რომ სომხეთში რუსული სამხედრო ბაზის დახურვის საკითხი „დღის წესრიგში არ დგას“.