ჰელსინკის კომისიის თავმჯდომარე, რესპუბლიკელი კონგრესმენი ჯო უილსონი აცხადებს, რომ მომავალ კვირაში საქართველოსთან დაკავშირებით ახალი აქტის წარდგენას აპირებს.
ახალი ამბები
მკითხველის რჩეული
- 1 2024 წელს საქართველოში რეკორდული რაოდენობის ჩინური კომპანია დარეგისტრირდა
- 2 ზურაბ ჯაფარიძე დააპატიმრეს „ქართული ოცნების“ კომისიაში გამოუცხადებლობის გამო
- 3 ნენსკრას, ხუდონის, ნამახვანის ჰესების მიმართულებით მუშაობა დაწყებულია - კობახიძე
- 4 კრიტიკული არხების ცენზურა - „ქართული ოცნება“ ტვ პირველს და ფორმულას უჩივის
- 5 „ქართული ოცნების“ დროშის დაწვის შემდეგ აქციის მონაწილე უჩა ქემაშვილი დააკავეს
- 6 ტრამპი ყაველაშვილს დამოუკიდებლობის დღეს ულოცავს - ყაველაშვილის პრესსამსახური
„შემდეგ კვირაში მე წარვადგენ „ქართული კოშმარის არაღიარების აქტს“, რომელიც აკრძალავს აშშ-ის მიერ საქართველოში დიქტატორული რეჟიმის ცნობას და აღიარებს სალომე ზურაბიშვილს ერთადერთ კანონიერ ლიდერად იქამდე, სანამ არ გაიმართება თავისუფალი და სამართლიანი არჩევნები“, - დაწერა ჯოუილსონმა პლატფორმა X-ზე.
მანამდე კონგრესმენმა სალომე ზურაბიშვილი დონალდ ტრამპის ინაუგურაციაზე მიიწვია.
ჯო უილსონი, რომელიც აშშ-ის წარმომადგენელთა პალატაში საგარეო საქმეთა კომიტეტის თავმჯდომარეობის ერთ-ერთ კანდიდატად განიხილება, სახელმწიფო დეპარტამენტს აქტიურად მოუწოდებდა „ქართული ოცნების“ დამფუძნებლის, ბიძინა ივანიშვილის სანქცირებისკენ. გარდა ამისა, მას უკვე ინიცირებული აქვს „მეგობარი აქტი“ [MEGOBARI Act], რომელიც სახელმწიფო დეპარტამენტს მისცემს დამატებით ინსტრუმენტებს სავიზო შეზღუდვებისა და ფინანსური სანქციები დაუწესოს მათ, ვინც ძირს უთხრის საქართველოს დემოკრატიას და ჩართულია საქართველოს მოქალაქეების საწინააღმდეგო რეპრესიულ ზომებში.
