2025 წლის 16 მაისიდან ავღანეთის, ბანგლადეშის, განას, ეთიოპიის, ერიტრეას, იემენის, კამერუნის, კოტ დ’ივუარის, კონგოს დემოკრატიული რესპუბლიკის, მაროკოს, ნიგერიის, პაკისტანის, სომალის, სირიის, სუდანის, ტანზანიისა და უგანდის მოქალაქეებისთვის საქართველოში შემოსვლისა და დარჩენის წესები იცვლება.
ახალი ამბები
მკითხველის რჩეული
- 1 2024 წელს საქართველოში რეკორდული რაოდენობის ჩინური კომპანია დარეგისტრირდა
- 2 ზურაბ ჯაფარიძე დააპატიმრეს „ქართული ოცნების“ კომისიაში გამოუცხადებლობის გამო
- 3 ნენსკრას, ხუდონის, ნამახვანის ჰესების მიმართულებით მუშაობა დაწყებულია - კობახიძე
- 4 კრიტიკული არხების ცენზურა - „ქართული ოცნება“ ტვ პირველს და ფორმულას უჩივის
- 5 „ქართული ოცნების“ დროშის დაწვის შემდეგ აქციის მონაწილე უჩა ქემაშვილი დააკავეს
- 6 ტრამპი ყაველაშვილს დამოუკიდებლობის დღეს ულოცავს - ყაველაშვილის პრესსამსახური
შინაგან საქმეთა სამინისტროს განმარტებით, ჩამოთვლილი ქვეყნების მოქალაქეებს ცვლილებების განხორციელებამდეც ჰქონდათ საქართველოში შემოსვლის უფლება, იმ შემთხვევაში თუ ისინი ფლობდნენ გალფის ქვეყნების ვიზას, ან ბინადრობის მოწმობას, თუმცა არ იყო დადგენილი ვიზის მოქმედების ვადები. აღნიშნულ ქვეყნებთან მიმართებით მოთხოვნები მკაცრდება.
გალფის ყურის ქვეყნების (არაბთა გაერთიანებული საამიროების, ბაჰრეინის სამეფოს, საუდის არაბეთის სამეფოს, კატარის სახელმწიფოს, ქუვეითის სახელმწიფოს ან ომანის სასულთნოს) ვიზა ან ბინადრობის ნებართვა მათ აღარ მისცემთ საქართველოში უვიზოდ შემოსვლისა და ყოფნის უფლებას თუ მათი საქართველოში შემოსვლის დღისთვის, მრავალჯერადი ვიზის ან ბინადრობის ნებართვის მოქმედების ვადა 1 წელზე ნაკლებია.
