თელავის მუნიციპალიტეტის სოფელ ქვემო ხოდაშენში, მე-16 საარჩევნო უბანთან, ტელეკომპანია „პირველის“ გადამღებ ჯგუფს თავს დაესხნენ და ტექნიკა დაუმტვრიეს. ჟურნალისტ მარიამ მაკასარაშვილის თქმით, ის და ოპერატორი ნუკრი ქაფიაშვილი თავდასხმის სამიზნე მას შემდეგ გახდნენ, რაც საარჩევნო უბანთან მობილიზებული პირების მიერ ამომრჩეველზე ზეწოლის და მოსყიდვის ფაქტები გადაიღეს.
ახალი ამბები
მკითხველის რჩეული
- 1 რუსეთის 2 361 მოქალაქეს მიანიჭეს საქართველოს მოქალაქეობა 2024 წელს
- 2 უნდა შევძლოთ გადარჩენა და ევროპული მომავლისთვის მუშაობა - ამაღლობელი ციხიდან
- 3 ბრიტანეთმა ადამიანის უფლებების დარღვევის გამო „ოცნების“ 4 მაღალჩინოსანი დაასანქცირა
- 4 პრორუსული „ალტ-ინფო“ აცხადებს, რომ თვითმმართველობის არჩევნებში მონაწილეობას მიიღებს
- 5 მერაბ ტურავა „ქართული ოცნების“ მთავრობაში იუსტიციის მინისტრის მოადგილედ დაინიშნა
- 6 ჭიათურაში დააკავეს აქციის მონაწილე 4 მაღაროელი - მათ 6 წლამდე პატიმრობა ემუქრებათ
„ჩვენ გადავიღეთ კადრები, თუ როგორ დადიოდნენ საარჩევნო უბანზე სიებით და როგორ არიგებენ ფულს. ის ადამიანი, რომელიც თავს დაგვესხა წყობიდან გამოვიდა ამის გამო. საპატრულო პოლიციის თანამშრომლებს მივაწოდეთ დეტალური ინფორმაცია, თუ როგორ ვითარდებოდა ამ საარჩევნო უბანზე პროცესები. ის ადამიანი, რომელიც მე და ჩემს ოპერატორს თავს დაგვესხა, გაგვინადგურა ტექნიკა, ამ დრომდე აქ რჩება. ამის შესახებ საპატრულო პოლიციის თანამშრომლებს ვაცნობე, თუმცა არანაირი რეაგირება არ ჰქონიათ და დატოვეს ტერიტორია. ერთ საათზე მეტია კრიმინალურ პოლიციას ველოდებით“, - განაცხადა მარიამ მაკასარაშვილმა.
შემთხევის ადგილზე სასწარაფო სამედიცინო დახმარების ბრიგადის გამოძახება გახდა საჭირო. როგორც მარიამ მაკასარაშვილი ამბობს, ოპერატორს დაზიანებები სახეში აქვს მიყენებული და პირველადი დახმარება გაეწია.
დღეს, ახმეტის მუნიციპალიტეტში, მატნის მე-11 საარჩევნო უბანში თავს დაესხნენ არასამთავრობო ორგანიზაცია „სამოქალაქო ადვოკატირების ცენტრის“ დამკვირვებლებს. ჟურნალისტ გელა მთივლიშვილის თქმით, მასსა და ორგანიზაციის იურისტ ვლადიმერ ქუთათელაძეზე თავდასხმა მას შემდეგ მოხდა, რაც უბნის შესასვლელიდან და მიმდებარე ტერიტორიიდან ე.წ. მაყურებლებისა და „ქართული ოცნების“ კოორდინატორთა გასვლა მოითხოვეს.
