ქვემო ქართლში, მარნეულის მუნიციპალიტეტის ერთ-ერთ სოფელში, ქორწინების მიზნით 16 წლის გოგონა მოიტაცეს. შემთხვევა გუშინ, 7 ივნისს მოხდა. პოლიციამ არასრულწლოვნის მიმართ ჯგუფურად ჩადენილი თავისუფლების უკანონო აღკვეთის ბრალდებით 1994 წელს დაბადებული ჯ.ჰ. და 1981 წელს დაბადებული გ.ა. დააკავა.
ახალი ამბები
მკითხველის რჩეული
- 1 საპატრულო პოლიციამ შშმ პირს მანქანაში ჩააფსმევინა, შსს-ს 10 ათასის გადახდა დაეკისრა
- 2 283 ქოთანი და 7 კგ გამომშრალი მარიხუანა - დიზაინერ რატი რატიანს 15 წელი მიუსაჯეს
- 3 ბანკირის ენერგოპროექტი - გოგნის ქარის ელექტროსადგურისთვის კოლხურ ტყეებს გაჩეხავენ
- 4 სოხუმი მასშტაბური ენერგოკოლაფსის მიზეზად ენგურჰესზე მომხდარ ავარიას ასახელებს
- 5 ნატა ვიბლიანის გაუპატიურების ერთი ეპიზოდი მამის საფლავზე მოხდა - ადვოკატი
- 6 „საეჭვო გარემოება ვერ გამოვლინდა“ - შსს 2014 წელს გაუჩინარებული გურამ დადიანიძის საქმეზე
შინაგან საქმეთა სამინისტროს განცხადებით, გამოძიებით დადგინდა, რომ ჯ.ჰ.-მ ცოლად შერთვის მიზნით, 2007 წელს დაბადებულ ს.კ.-ს თავისუფლება უკანონოდ აღუკვეთა. დანაშაულებრივ ქმედებაში გ.ა.-ც მონაწილეობდა.
ქორწინების მიზნით არასრულწლოვნის მოტაცების შემთხვევები საქართველოს სისხლის სამართლის კოდექსის 143-ე მუხლით კვალიფიცირდება, რაც თავისუფლების უკანონო აღკვეთას გულისხმობს. დანაშაული სასჯელის სახით 7-დან 10 წლამდე ვადით თავისუფლების აღკვეთას ითვალისწინებს.
საქართველოს სახალხო დამცველის ანგარიშის მიხედვით, ადრეულ და ბავშვობის ასაკში ქორწინების საზიანო პრაქტიკა ქვეყანაში მნიშვნელოვან გამოწვევად რჩება. 2022 წელს შინაგან შსს-ში შესაძლო ადრეულ ასაკში ქორწინების 171 ფაქტზე დაიწყო გამოძიება. ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს ინფორმაციით, 2022 წელს 815 არასრულწლოვანი ორსული დარეგისტრირდა, ხოლო არასრულწლოვანთა მშობიარობის რიცხვი 434-ს აღწევს.
ქორწინების (მათ შორის, არარეგისტრირებულის) იძულება წინასწარი შეცნობით არასრულწლოვნის მიმართ ისჯება თავისუფლების აღკვეთით ვადით 2-დან 4 წლამდე, იარაღთან დაკავშირებული უფლებების შეზღუდვით ან უამისოდ.
