Քվեմո Քարթլիում՝ Մառնեուլիի մունիցիպալիտետի գյուղերից մեկում, ամուսնության նպատակով 16-ամյա աղջկա են առևանգել։ Դեպքը տեղի է ունեցել երեկ՝ հունիսի 7-ին։ Ոստիկանները անչափահասին ազատությունից ապօրինի զրկելու մեղադրանքով ձերբակալել են 1994 թվականին ծնված Ջ.Հ.-ին և 1981 թվականին ծնված Գ.Ա․-ին։
Լրահոս
Ընթերցողի ընտրանի
- 1 Խուզարկություն է իրականացվել Նանուկա Ժորժոլիանիի, Ալեկո Ցկիտիշվիլիի և մի քանի այլ ակտիվիստների տներում
- 2 Ռուսամետ «Ալտ-Ինֆո»-ն հայտարարել է, որ կմասնակցի տեղական ինքնակառավարման մարմինների ընտրություններին
- 3 Կոբախիձեն առանց Ռուսաստանը հիշատակելու ապրիլի 9-ի պատասխանատվությունը վերագրում է «օտար ուժին»
- 4 Ոչ լեգիտիմ կառավարությունը քայլեր է ձեռնարկում վրաց ժողովրդին հետապնդելու համար․ՀԿ-ներ
- 5 Վրաստանը փոխում է 17 երկրի քաղաքացիների համար մուտքի և երկրում մնալու կանոնները
- 6 Ղարիբաշվիլին հեռացել է քաղաքականությունից. կոռուպցիոն դեպքեր, որոնց մեջ մեղադրում էին նրան
Ըստ ՆԳՆ-ի՝ հետաքննությամբ պարզվել է, որ Ջ.Հ.-ն ապօրինաբար ազատությունից զրկել է 2007 թվականին ծնված Ս.Կ.-ին՝ նրա հետ ամուսնանալու նպատակով։ Հանցագործությանը մասնակցել է նաև Գ.Ա․-ն։
Ամուսնության նպատակով անչափահասին առևանգելու դեպքերը քննվում են Վրաստանի քրեական օրենսգրքի 143-րդ հոդվածով, որը նշանակում է ազատությունից ապօրինի զրկում։ Հանցագործությունը պատժվում է 7-ից 10 տարի ազատազրկմամբ։
Վրաստանի հանրային պաշտպանի զեկույցի համաձայն՝ երկրում կարևոր մարտահրավեր է մնում վաղ և մանկահասակ ամուսնությունների վնասակար պրակտիկան։ 2022 թվականին ՆԳՆ-ն հետաքննություն է սկսել հնարավոր վաղ ամուսնության 171 դեպքով։ Օկուպացված տարածքներից տեղահանվածների, աշխատանքի, առողջապահության և սոցիալական պաշտպանության նախարարության տեղեկատվության համաձայն՝ 2022 թվականին գրանցվել է 815 անչափահասի հղիություն, իսկ անչափահասների ծննդաբերության թիվը հասել է 434-ի։
Անչափահասի նկատմամբ նախնական իմացությամբ ամուսնություն (այդ թվում՝ չգրանցված) հարկադրելը պատժվում է ազատազրկմամբ՝ երկուսից չորս տարի ժամկետով՝ զենքի հետ կապված իրավունքների սահմանափակմամբ կամ առանց դրա։
