საქართველოს პრემიერ-მინისტრი ირაკლი კობახიძე ირანის ახალი პრეზიდენტის, მასუდ ფეზეშქიანის ინაუგურაციას დაესწრება. მთავრობის ადმინისტრაციის ინფორმაციით, პრემიერმა ინაუგურაციაზე დასწრებასთან დაკავშირებით ირანის ისლამური რესპუბლიკიდან ოფიციალური მიწვევა მიიღო.
ახალი ამბები
მკითხველის რჩეული
- 1 „რეპრესიები რეორგანიზაციის სახელით“ - თელავის უნივერსიტეტიდან 5 პროფესორი გაათავისუფლეს
- 2 თავდაცვის ყოფილი მინისტრის მოადგილე და ნათესავი დააკავეს 1.3 მლნ-ის გაფლანგვის ბრალდებით
- 3 თეა წულუკიანი ნანუკა ჟორჟოლიანს ცილისწამებისთვის სასამართლოში უჩივის
- 4 სტრასბურგის სასამართლომ გამოაქვეყნა კითხვები მზია ამაღლობელის საქმეზე
- 5 რუსეთი ალეკო ელისაშვილს დაუსწრებლად ასამართლებს უკრაინაში ბრძოლისთვის
- 6 „სამედიცინო დახმარება თუ გინდა, სხვა ქვეყნებიც არის“ - კობახიძე უვიზოს შესაძლო შეჩერებაზე
ინაუგურაცია დღეს, 30 ივლისს არის დაგეგმილი. საქართველოს პრემიერ-მინისტრი თეირანში პირველ ვიცე-პრემიერთან, ეკონომიკისა და მდგრადი განვითარების მინისტრ ლევან დავითაშვილთან ერთად გაემგზავრა.
მთავრობის ადმინისტრაციის ცნობით, ცერემონიას, რომელიც ირანის მეჯლისში გაიმართება, 70 უცხოური დელეგაცია დაესწრება. თეირანში ჩავა სომხეთის პრემიერ-მინისტრი ნიკოლ ფაშინიანი, ასევე, დელეგაცია რუსეთიდან, რომელსაც დუმის თავმჯდომარე, ვიაჩესლავ ვოლოდინი უხელმძღვანელებს.
ფეზეშქიანი პრეზიდენტად ივლისის დასაწყისში აირჩიეს მას შემდეგ, რაც მისი წინამორბედი, ებრაჰიმ რაისი 19 მაისს, ვერტმფრენის ჩამოვარდნას შეეწირა. ირანის სულიერმა ლიდერმა, აიათოლა ალი ხამენეიმ ფეზეშქიანის პრეზიდენტად დამტკიცების შესახებ ბრძანებულებას ხელი კვირას, 28 ივლისს მოაწერა.
ირაკლი კობახიძე თეირანში მეორედ გაემგზავრა. 22 მაისს, ის საგარეო საქმეთა მინისტრ ილია დარჩიაშვილთან ერთად, რაისის დაკრძალვას დაესწრო. სამგლოვიარო პროცესიაში მონაწილეობდნენ ტერორისტული ორგანიზაციების „ჰეზბოლას“, „ჰამასის“ და „თალიბანის“ ლიდერები, ასევე, რუსეთის დუმის თავმჯდომარე ვიაჩესლავ ვოლოდინი, სირიის პრეზიდენტი ბაშარ ალ-ასადი და სხვები.
