Վրաստանի վարչապետ Իրակլի Կոբախիձեն կմասնակցի Իրանի նոր նախագահ Մասուդ Փեզեշքիանիի երդմնակալության արարողությանը։ Կառավարության աշխատակազմի փոխանցմամբ՝ երդմնակալությանը մասնակցելու համար վարչապետը պաշտոնական հրավեր է ստացել Իրանի Իսլամական Հանրապետությունից։
Լրահոս
Ընթերցողի ընտրանի
- 1 Կոբախիձեն առանց Ռուսաստանը հիշատակելու ապրիլի 9-ի պատասխանատվությունը վերագրում է «օտար ուժին»
- 2 Ի՞նչ է գրված օտարերկրյա դրամաշնորհների դեմ «Վրացական երազանք» կուսակցության օրինագծում
- 3 Ռուսամետ «Ալտ-Ինֆո»-ն հայտարարել է, որ կմասնակցի տեղական ինքնակառավարման մարմինների ընտրություններին
- 4 «Երազանքը» կուսակցություններին արգելում է դասախոսություններ անցկացնել ՀԿ-ների աջակցությամբ
- 5 «Վրացական երազանքը» պատրաստվում է արգելել առանց կառավարության համաձայնության օտարերկրյա դրամաշնորհներ ստանալը
- 6 Խուզարկություն է իրականացվել Նանուկա Ժորժոլիանիի, Ալեկո Ցկիտիշվիլիի և մի քանի այլ ակտիվիստների տներում
Երդմնակալությունը նախատեսված է այսօր՝ հուլիսի 30-ին։ Վրաստանի վարչապետը Թեհրան է մեկնել առաջին փոխվարչապետ, էկոնոմիկայի և կայուն զարգացման նախարար Լևան Դավիթաշվիլիի հետ։
Կառավարության վարչակազմի տվյալներով՝ Իրանի Մեջլիսում կայանալիք արարողությանը ներկա կլինի 70 օտարերկրյա պատվիրակություն։ Թեհրան կժամանի Հայաստանի վարչապետ Նիկոլ Փաշինյանը, ինչպես նաև Ռուսաստանից պատվիրակություն, որը կգլխավորի Դումայի նախագահ Վյաչեսլավ Վոլոդինը։
Փեզեշքիանին նախագահ է ընտրվել հուլիսի սկզբին այն բանից հետո, երբ նրա նախորդը՝ Էբրահիմ Ռաիսին զոհվեց մայիսի 19-ին տեղի ունեցած ուղղաթիռի վթարի հետևանքով։ Իրանի գերագույն առաջնորդ Այաթոլլահ Խոմեյնին կիրակի՝ հուլիսի 28-ին, հրամանագիր է ստորագրել Փեզեշքիանիին նախագահի պաշտոնում հաստատելու մասին:
Իրակլի Կոբախիձեն երկրորդ անգամ է մեկնում Թեհրան։ Մայիսի 22-ին նա ԱԳ նախարար Իլիա Դարչիաշվիլիի հետ մասնակցել է Ռաիսիի հուղարկավորությանը։ Հուղարկավորությանը մասնակցել են «Հեզբոլլահ», «Համաս» և «Թալիբան» ահաբեկչական կազմակերպությունների առաջնորդները, ինչպես նաև ՌԴ Դումայի նախագահ Վյաչեսլավ Վոլոդինը, Սիրիայի նախագահ Բաշար ալ-Ասադը և այլք։
