თურქეთის სამხრეთ-აღმოსავლეთში, სირიის საზღვართან ახლოს მომხდარი მიწისძვრების შედეგად, თურქეთში სულ მცირე 76 ადამიანი დაიღუპა. მიწისძვრას მსხვერპლი მოჰყვა სირიის მხარესაც. ოფიციალური მონაცემებით, დილის მდგომარეობით დაღუპულია 237 ადამიანი. თურქეთსა და სირიაში 1000-მდე ადამიანია დაშავებული.
ახალი ამბები
მკითხველის რჩეული
- 1 ნარკოტიკების ზედოზირებას თბილისში კიდევ 3 ახალგაზრდა ემსხვერპლა
- 2 ვლადიკავკაზში ქორწილის მონაწილეები საქართველოს დროშების გამოყენებისთვის დააპატიმრეს
- 3 გორში პოლიციელების მიერ ნაცემი პირი წინააღმდეგობის გაწევის ბრალდებით დააკავეს
- 4 ქართველი სამხედრო მფრინავი ზვიად ბექაური დაიღუპა კონგოს დემოკრატიულ რესპუბლიკაში
- 5 პანკისში მალხაზ მაჩალიკაშვილის ავტომობილი დააზიანეს
- 6 გიგა ავალიანის საქმე: დემეტრე ჩიქოვანს 9 წელი და 9 თვე, ანი ნასყიდაშვილს 5 წელი და 3 თვე მიესაჯა
საინფორმაციო სააგენტო Anadolu-ს ინფორმაციით, 7.4 მაგნიტუდის სიმძლავრის მიწისძვრა ქაჰრამანმარაშის პროვინციაში, დილის 4:17 საათზე მოხდა, რასაც გაზიანთეფის პროვინციაში, დაახლოებით 10-20 წუთის შუალედებით, მომხდარი 6.4 და 6.5 სიმძლავრის მიწისძვრები მოჰყვა. დაშავებულია 440-ზე მეტი ადამიანი.
ადგილობრივი მედიის ინფორმაციით, მიწისძვრის შედეგად დაღუპულები ქაჰრამანმარაშის, გაზიანთეფის, შანლიურფას, დიარბაქირის, ადანას, ადიამანის, ოსმანიეს და მალათიას პროვინციების მცხოვრებლები არიან. ათობით შენობის ნანგრევებში მოყოლილების გადასარჩენად სამუშაოები გრძელდება.
ბიძგები იგრძნობოდა თურქეთის დედაქალაქ ანკარასა და სხვა ქალაქებშიც, მათ შორის, ტრაპიზონსა და რიზეში.
თურქეთი სეისმურად აქტიური რეგიონია. 1999 წელს, იზმითში მომხდარი მიწისძვრის შედეგად 17 000-ზე მეტი ადამიანი დაიღუპა, 250 000-ზე მეტი კი უსახლკაროდ დარჩა. მაშინ მიწისძვრის სიმძლავრე 7.6 მაგნიტუდა იყო.
