თურქეთში, პოპულარულ სათხილამურო კურორტზე, სასტუმროში გაჩენილი ხანძრის შედეგად დაღუპულთა რიცხვი 76-მდე გაიზარდა. ქვეყნის შინაგან საქმეთა მინისტრის, ალი იერლიკაიას განცხადებით, დაშავებულია 51 ადამიანი.
ახალი ამბები
მკითხველის რჩეული
- 1 „სფერო ჰოლდინგის“ საქმეზე კიდევ ერთი პირი, სოფიკო პეტრიაშვილი დააკავეს
- 2 ლავროვი: „3+3“ ფორმატში საქართველოსთვის კარი ღიაა
- 3 6 წელზე მეტი ასაკის ავტომობილების იმპორტი 1-ელი აპრილიდან აიკრძალება
- 4 „ოცნება“ გრანტების კანონს კიდევ ამკაცრებს და 6 წლამდე პატიმრობა შემოაქვს
- 5 18 წლის ბიჭის მკვლელობისთვის ივანე გიგლემიანს უვადო პატიმრობა მიუსაჯეს
- 6 სუს-ის შენობასთან, მანქანაში, ანტიკორუფციული სააგენტოს თანამშრომლის ცხედარი იპოვეს
ბოლუს მთებში მდებარე კურორტ კარტალკაიას 12-სართულიან სასტუმროში ხანძარი 21 იანვარს, გამთენიისას გაჩნდა. იმ დოისთვის სასტუმროში 238 რეგისტრირებული სტუმარი იმყოფებოდა.
ხანძრის გამომწვევი მიზეზი ამ დროისთვის დადგენილი არ არის. ერთ-ერთი ვერსიით ცეცხლი რესტორნის ნაწილში გაჩნდა. ხელისუფლებამ გამოძიების ფარგლებში უკვე 9 ადამიანი დააკავა, რომელთა შორის სასტუმრო Grand Kartal-ის მფლობელიც არის.
76-ვე დაღუპულის ვინაობა ჯერ არ არის დადგენილი.
თურქეთის პრეზიდენტმა, რეჯეფ თაიფ ერდოღანმა 22 იანვარი გლოვის დღედ გამოაცხადა. ერდოღანის თქმით, მომხდარის მიზეზების დასადგენად ყველა საჭირო ნაბიჯი გადაიდგმება და ვინც პასუხისმგებელია ტრაგიკულ ინციდენტზე, პასუხს აგებს.
