ნისლისა და დაბალი ხილვადობის გამო თბილისის საერთაშორისო აეროპორტი შეფერხებით მუშაობს. რამდენიმე თვითმფრინავმა დაჯდომა ვერ შეძლო და ისინი სათადარიგო აეროპორტებში - ქუთაისსში, ბათუმსა და ერევანში გადამისამართდნენ.
ახალი ამბები
მკითხველის რჩეული
- 1 რა მოხდა თელავის სასტუმროში, სადაც რუსეთის მოქალაქის ცემის ბრალდებით მამაკაცი დააკავეს
- 2 საპატრულო პოლიციამ შშმ პირს მანქანაში ჩააფსმევინა, შსს-ს 10 ათასის გადახდა დაეკისრა
- 3 გაუპატიურება, წამება და დაკარგული ჩვილი - ნატა ვიბლიანის საქმეზე გამოძიება დაიწყო
- 4 283 ქოთანი და 7 კგ გამომშრალი მარიხუანა - დიზაინერ რატი რატიანს 15 წელი მიუსაჯეს
- 5 დამოუკიდებელი მედიების რედაქტორები ელისო კილაძის საქმის განხილვის საჯაროობას ითხოვენ
- 6 სოხუმი მასშტაბური ენერგოკოლაფსის მიზეზად ენგურჰესზე მომხდარ ავარიას ასახელებს
„ამ ეტაპზე, ღამის 2 საათამდე ნავარაუდევია ხილვადობა 350 მეტრი, რაც ძალიან დაბალია და ამის გამო ავიაკომპანიები იღებენ გადაწყვეტილებას, თვითმფრინავები დაჯდნენ სათადარიგო აეროპორტებში“, - განაცხადა ნინო წივწივაძემ, თბილისის საერთაშორისო აეროპორტის წარმომადგენელმა.
დღეს ვერ შესრულდა „კატარის ავიახაზების“ რეისი დოჰა-თბილისი და „ჯაზირას ავიახაზების“ რეისი ქუვეითი-თბილისი. ორივე თვითმფრინავი ერევნის საერთაშორისო აეროპორტში დაეშვა. ქუთაისის აეროპორტში დაჯდა ავიაკომპანია „აზიმუტის“ რეისი მოსკოვი-თბილისი. სათადარიგო აეროპორტებში გადაამისამართეს „ფლაი დუბაის“ და „ეარ არაბიას“ რეისებიც.
თბილისის აეროპორტში სტამბოლი-თბილისის რეისები გააუქმეს „პეგასუსმა“ და „თურქეთის ავიხაზებმა“.
10 დეკემბრამდე თბილისში პერიოდულად წვიმაა მოსალოდნელი. გარემოს ეროვნული სააგენტოს ინფორმაციით, ჰაერის ტემპერატურა დღის საათებში +10, +12 გრადუსი იქნება.
