ოკუპირებული ცხინვალის რეგიონის ე.წ. სახელმწიფო უსაფრთხოების კომიტეტის განცხადებით, „სამხრეთ ოსეთის მესაზღვრეებმა“ მხოლოდ ოქტომბერში, 23 ადამიანი დააკავეს. მათგან 11-ს „სახელმწიფო საზღვრის“ რეჟიმის დარღვევას ედავებოდნენ, ხოლო 12-ს - „სასაზღვრო რეჟიმის“.
ახალი ამბები
მკითხველის რჩეული
- 1 2024 წელს საქართველოში რეკორდული რაოდენობის ჩინური კომპანია დარეგისტრირდა
- 2 ზურაბ ჯაფარიძე დააპატიმრეს „ქართული ოცნების“ კომისიაში გამოუცხადებლობის გამო
- 3 ნენსკრას, ხუდონის, ნამახვანის ჰესების მიმართულებით მუშაობა დაწყებულია - კობახიძე
- 4 კრიტიკული არხების ცენზურა - „ქართული ოცნება“ ტვ პირველს და ფორმულას უჩივის
- 5 „ქართული ოცნების“ დროშის დაწვის შემდეგ აქციის მონაწილე უჩა ქემაშვილი დააკავეს
- 6 ტრამპი ყაველაშვილს დამოუკიდებლობის დღეს ულოცავს - ყაველაშვილის პრესსამსახური
„სამართლებრივი რეჟიმის დარღვევის თითოეულ ფაქტზე სახელმწიფო უსაფრთხოების კომიტეტის სასაზღვრო სამსახურმა გამოძიება ჩაატარა. შედეგად 17 პირს დაეკისრა ადმინისტრაციული ჯარიმა, ექვს კი გაფრთხილება მიეცა“, - განაცხადეს ე.წ. სახელმწიფო უსაფრთხოების კომიტეტში.
„კაგებე“ განმარტავს, რომ „სახელმწიფო საზღვარზე და სასაზღვრო ტერიტორიაზე დადგენილი სამართლებრივი რეჟიმების მიზანმიმართული დარღვევა იწვევს არა მხოლოდ ადმინისტრაციულ, არამედ ზოგიერთ შემთხვევაში სისხლის სამართლის პასუხისმგებლობასაც“.
დე ფაქტო ხელისუფლებამ მანამდე გაავრცელა ინფორმაცია, რომ 2024 წლის იანვარ- სექტემბერში, „სახელმწიფო საზღვრის“ სხვადასხვა მონაკვეთზე 232 ადამიანი ჰყავდათ დაკავებული.
