დღეს, დილით, დაახლოებით 03:30 საათისთვის, წალენჯიხის მუნიციპალიტეტის მერის გიორგი ხარჩილავას პირადი ავტომობილი დაიწვა. მერს მანქანა საკუთარი სახლის წინ ჰქონდა გაჩერებული. ხარჩილავა მომხდარს პოლიტიკურ საქმიანობას უკავშირებს. ის ერთადერთი ოპოზიციონერი მერია საქართველოში.
ახალი ამბები
მკითხველის რჩეული
- 1 „რეპრესიები რეორგანიზაციის სახელით“ - თელავის უნივერსიტეტიდან 5 პროფესორი გაათავისუფლეს
- 2 რიჟვაძის საქმეზე საზღვაო ტრანსპორტის სააგენტოს დირექტორი ალექსი ახვლედიანი დააკავეს
- 3 პაპუაშვილი არჩევნებზე წალენჯიხის მერიის განცხადებას „საბოტაჟს“ უწოდებს
- 4 თავდაცვის ყოფილი მინისტრის მოადგილე და ნათესავი დააკავეს 1.3 მლნ-ის გაფლანგვის ბრალდებით
- 5 თეა წულუკიანი ნანუკა ჟორჟოლიანს ცილისწამებისთვის სასამართლოში უჩივის
- 6 ნათესავებმა თბილისში იპოვეს ჩეჩნეთიდან ოჯახში ძალადობას გამოქცეული ქალი და მისი წაყვანა სცადეს
„დილის ოთხის ნახევარზე რაღაცის გასკდომის ხმა გავიგეთ და რომ გამოვედი, ცეცხლწაკიდებული მანქანა დამხვდა.
ასფალტზე არის დამწვარი ბენზინის, მანქანისკენ მიმავალი ცეცხლის კვალი, რაც მაფიქრებინებს, რომ ეს განზრახ, ხელით გააკეთეს. მანქანა 100%-ით გამართული იყო. შესაძლოა, ეს ჩემს პოლიტიკურ საქმიანობას უკავშირდებოდეს, რადგან მე არ ვარ ხელისუფლების მორჩილი მერი.
ეს ერთგვარი სიგნალი და გაფრთხილება იყო“, - განუცხადა ხარჩილავამ „საქართველოს ამბებს“.
გიორგი ხარჩილავა პოლიციამ უკვე გამოკითხა. დამწვარი ავტომობილი ექსპერტიზაზეა გადატანილი. საქმეზე გამოძიება სისხლის სამართლის კოდექსის 187-ე მუხლით მიმდინარეობს, რაც სხვისი ნივთის დაზიანებას ან განადგურებას გულისხმობს.
გიორგი ხარჩილავა წალენჯიხის მუნიციპალიტეტის მერად 2021 წლის 2 ოქტომბრის ადგილობრივი თვითმმართველობის არჩევნების შედეგად აირჩიეს. ის „ერთიან ნაციონალურ მოძრაობას“ წარმოადგენს.
