Այսօր՝ ժամը 03:30-ի սահմաններում, այրել են Ծալենջիխայի մունիցիպալիտետի քաղաքապետ Գիորգի Խարչիլավայի անձնական մեքենան։ Քաղաքապետը մեքենան կայանել էր իր տան դիմաց։ Խարչիլավան կատարվածը կապում է քաղաքական գործունեության հետ: Նա Վրաստանի միակ ընդդիմադիր քաղաքապետն է։
Լրահոս
Ընթերցողի ընտրանի
- 1 ՆԱՏՕ-ի և Եվրամիության տեղեկատվական կենտրոնը լուծարվում է
- 2 Որևէ ոստիկան պատասխանատվության ենթարկվե՞լ է, նման դեպք չկա․ Իոսելիանի
- 3 Սալոմե Զուրաբիշվիլին ճանապարհը փակելու համար տուգանվել է 5000 լարիով
- 4 Ընտրությունները նախ պետք է լինեն խորհրդարանական, ապա՝ տեղական, կամ համատեղ․ Զուրաբիշվիլի
- 5 «Վրացական երազանքը» թույլ է տալիս Ռուսաստանին մեծացնել ազդեցությունը երկրում. ԱՄՆ հետախուզություն
- 6 Արդյո՞ք մեր շահերից է բխում աշխարհի այս հատվածում հակաամերիկյան կառավարության լինելը. Ռուբիոն` Վրաստանի մասին
«Առավոտյան ժամը երեքն անց կեսին ինչ-որ բան կոտրվելու ձայն լսեցինք, երբ դուրս եկա՝ տեսա այրված մեքենան։
Ասֆալտի վրա այրված բենզինի հետքեր կան, կրակը տանում է դեպի մեքենան, ինչը ինձ ստիպում է մտածել, որ սա դիտմամբ է արվել։ Մեքենան 100% սարքին էր։ Միգուցե սա կապված է իմ քաղաքական գործունեության հետ, քանի որ ես իշխանությանը ենթարկվող քաղաքապետ չեմ։
Սա մի տեսակ ազդանշան ու նախազգուշացում էր»,- «Վրաստանի լուրերին» ասում է Խարչիլավան։
Գիորգի Խարչիլավան ոստիկանությունում արդեն հարցաքննվել է։ Այրված ավտոմեքենան ուղարկվել է փորձաքննության։ Գործը քննվում է քրեական օրենսգրքի 187-րդ հոդվածով, որը նշանակում է ուրիշի գույքը վնասել կամ ոչնչացնել։
