აჭარის არალეგიტიმური მთავრობის თავმჯდომარემ, თორნიკე რიჟვაძემ ავტონომიური რესპუბლიკის კულტურის მინისტრად „ქართული ოცნების“ ყოფილი დეპუტატი, პიანტისტი ელისო ბოლქვაძე დანიშნა.
ახალი ამბები
მკითხველის რჩეული
- 1 ბანკირის ენერგოპროექტი - გოგნის ქარის ელექტროსადგურისთვის კოლხურ ტყეებს გაჩეხავენ
- 2 „საეჭვო გარემოება ვერ გამოვლინდა“ - შსს 2014 წელს გაუჩინარებული გურამ დადიანიძის საქმეზე
- 3 ნატა ვიბლიანი პროკურატურამ დაზარალებულად ცნო
- 4 თბილისში გარდაცვლილი ტაილანდელი იუთუბერის ოჯახი სუიციდის ვერსიას უარყოფს
- 5 თბილისში პატრულ-ინსპექტორი, 37 წლის გოჩა არველაძე გარდაცვლილი იპოვეს
- 6 პუტინმა 2026-2030 წლებში ოკუპირებული აფხაზეთის განვითარების ხელშეწყობის შეთანხმება დაამტკიცა
„მივიღეთ გადაწყვეტილება არსებული განათლების, კულტურის, სპორტის სამინისტროდან ცალკე სამინისტროდ ჩამოყალიბებულიყო აჭარის კულტურის სამინისტრო, რომელიც დამოუკიდებლად გააგრძელებს ფუნქციონირებას. აჭარას ნამდვილად აქვს უდიდესი პოტენციალი კულტურის სფეროში, ამიტომ მიზანშეწონილად ჩავთვალეთ, რომ კიდევ უფრო ეფექტურად მომხდარიყო ამ სფეროს გაძლიერება. [...] მაქვს პატივი წარმოგიდგინოთ ახალი სამინისტროს ხელმძღვანელი, მინისტრი, ქალბატონი ელისო ბოლქვაძე, რომელსაც ჩვენი საზოგადოება ძალიან კარგად იცნობს“, - განაცხადა რიჟვაძემ დღევანდელ ბრიფინგზე.
ელისო ბოლქვაძემ განსაკუთრებული მადლობა „ქართული ოცნების“ საპატიო თავმჯდომარეს, ბიძინა ივანიშვილს გადაუხადა და აღნიშნა, რომ ბედნიერია ბათუმში დაბრუნებით.
„უღრმეს მადლობას მოგახსენებთ, ბატონო თორნიკე. ჩემთვის ეს არის ძალიან დიდი პასუხისმგებლობა და ძალიან დიდი პატივი, ვემსახურო ჩემს ქვეყანას. ძალიან დიდი და განსაკუთრებული მადლობა მინდა გადავუხადო ჩვენს გუნდს, ბატონ ბიძინა ივანიშვილს, ჩვენს პრემიერ-მინისტრს ირაკლი კობახიძეს. ბათუმი, აჭარა, ეს არის ის რეგიონი, რომელსაც აქვს უდიდესი პოტენციალი, სადაც კულტურა ყოველთვის იყო და იქნება ძალიან განვითარებადი“, - თქვა ბოლქვაძემ.
ელისო ბოლქვაძე საქართველოს მეათე მოწვევის (2020-2024 წლები) პარლამენტის წევრი იყო პარტია „ქართული ოცნებიდან“. ამ პერიოდის განმავლობაში ის კულტურის კომიტეტს თავმჯდომარეობდა. პიანისტმა 2013 წელს ბათუმის შავი ზღვის მუსიკისა და ხელოვნების საერთაშორისო ფესტივალი დააფუძნა.
