Աջարիայի ոչ լեգիտիմ կառավարության նախագահ Թոռնիկե Ռիժվաձեն ինքնավար հանրապետության մշակույթի նախարար է նշանակել «Վրացական երազանքի» նախկին պատգամավոր, դաշնակահար Էլիսո Բոլքվաձեին։
Լրահոս
Ընթերցողի ընտրանի
- 1 Առգրավվել է 7 միլիոն դոլար․ ՊԱԾ-ը՝ Ղարիբաշվիլիի և այլ նախկին բարձրաստիճան պաշտոնյաների տների խուզարկության մասին
- 2 Դեռահասին ծեծի ենթարկելու մեղադրանքով ձերբակալվել է Մառնեուլիի Սակրեբուլոյի անդամի որդին
- 3 Ընդդիմության արգելման վերաբերյալ Սահմանադրական դատարան հայց կներկայացվի հոկտեմբերին
- 4 Կառավարության հրաժարականի պահանջով հոկտեմբերի 26-ին տեղի կունենա բողոքի երթ
- 5 ԿԸՀ. «Վրացական երազանքի» քաղաքապետի թեկնածուները 25 ընտրատարածքներում ստացել են ձայների 100%-ը
«Մենք որոշում ենք կայացրել Աջարիայի մշակույթի նախարարությունը ստեղծել որպես գործող կրթության, մշակույթի և սպորտի նախարարությունից առանձին նախարարություն, որը կշարունակի գործել անկախ։ Աջարիան իսկապես մեծ ներուժ ունի մշակույթի ոլորտում, ուստի մենք նպատակահարմար համարեցինք այս ոլորտն էլ ավելի արդյունավետ հզորացնել։ [...] Ես պատիվ ունեմ ներկայացնելու նոր նախարարության ղեկավարին՝ նախարար Էլիսո Բոլքվաձեին, ում մեր հասարակությունը շատ լավ է ճանաչում»,- ասել է Ռիժվաձեն այսօրվա ճեպազրույցում։
Էլիսո Բոլքվաձեն հատուկ շնորհակալություն է հայտնել «Վրացական երազանքի» պատվավոր նախագահ Բիձինա Իվանիշվիլիին և նշել, որ ուրախ է Բաթումի վերադառնալու համար։
«Ցանկանում եմ իմ խորին շնորհակալությունը հայտնել Ձեզ, պարոն Թոռնիկե։ Ինձ համար մեծ պատասխանատվություն և մեծ պատիվ է ծառայել իմ երկրին։ Ցանկանում եմ իմ խորին և հատուկ շնորհակալությունը հայտնել մեր թիմին՝ պարոն Բիձինա Իվանիշվիլիին և մեր վարչապետ Իրակլի Կոբախիձեին։ Բաթումի, Աջարիա, սա մեծ ներուժ ունեցող տարածաշրջան է, որտեղ մշակույթը միշտ եղել է և շատ զարգանալու է»,- ասել է Բոլքվաձեն։
Էլիսո Բոլքվաձեն Վրաստանի տասներորդ գումարման (2020-2024) խորհրդարանի պատգամավոր էր «Վրացական երազանք» կուսակցությունից։ Այս ընթացքում նա ղեկավարել է Մշակույթի հանձնաժողովը։ Դաշնակահարը 2013 թվականին հիմնադրել է Բաթումիի երաժշտության և արվեստի միջազգային փառատոնը:
