გურჯაანში, ძლიერი წვიმისა და სეტყვის შედეგად, ზემო გურჯაანის ხევი ადიდდა და მოვარდნილმა წყალმა ქალაქის ცენტრალური ნაწილი დატბორა. როგორც „საქართველოს ამბებს“ გურჯაანის მერის მოვალეობის შემსრულებელმა, ლერი გელენავამ განუცხადა, სტიქიას მსხვერპლი არ მოჰყოლია და არ არიან დაშავებულები.
ახალი ამბები
მკითხველის რჩეული
- 1 სუს-მა მცხეთა-მთიანეთის გუბერნატორის მოადგილე ქრთამის აღების ბრალდებით დააკავა
- 2 როგორ დაგეგმეს ლევან ჯანგველაძის შეკვეთილი მკვლელობა - პროკურატურამ 5 პირს ბრალი წარუდგინა
- 3 რუსეთი კვლავ უკრაინის „დემილიტარიზაციას“ და ნეიტრალურ სტატუსს ითხოვს
- 4 სახელმწიფო დეპარტამენტის ანგარიში: „ტიტუშკები“, თავდასხმები მედიაზე და დაუსჯელობა
- 5 „რესი“: თბილისმა აღაიარა ის, რასაც სამხრეთ ოსეთსა და რუსეთში ამდენი წელი ელოდნენ
- 6 კიევზე რუსეთის მასირებული შეტევის შედეგად დაღუპულთა რიცხვი 18-მდე გაიზარდა
ძლიერი წვიმა, რასაც ქარი და სეტყვა ახლდა თან, დღის დაახლოებით 4 საათზე დაიწყო. ხევიდან გადმოვარდნილი წყალი ქალაქის ცენტრალურ ნაწილში - ბაზრის ტერიტორიასა და მიმდებარე ქუჩებში მიედინებოდა. დაიტბორა სახლები და სხვადასხვა კომერციული ობიექტი, წყალმა წაიღო და დაამტვრია ათობით ავტომობილი, მოგლეჯილია ელექტროგადამცემი ბოძები და საფეხმავლო ხიდი. წყალი მუნიციპალიტეტის მერიის შენობაშიც შევარდა.
ამ დროისთვის, მოსახლეობის ნაწილს ელექტროენერგია არ მიეწოდება. ცენტრალურ ქუჩებზე მოძრაობა კვლავ შეზღუდულია. ადგილზე სახანძრო-სამაშველო ჯგუფები მუშაობენ და გზებს ქვა-ღორღისგან წმენდენ.
ძლიერი ნალექის შედეგად ხევები ადიდდა გურჯაანის მუნიციპალიტეტის სოფლებშიც, მათ შორის, ძირკოკში, ვეჯინსა და ჭანდარში. სეტყვა იყო სოფელ ახაშენში.
სტიქიის მასშტაბისა და გამოწვეული ზიანის შესახებ ინფორმაციის დაზუსტება ჯერ ვერ ხერხდება.
