„ქართულმა ოცნებამ“, არალეგიტიმური პარლამენტის საშემოდგომო სესიის ბოლო პლენარულ სხდომაზე, საპარლამენტო ოპოზიციის კვოტით პარლამენტის თავმჯდომარის მოადგილე აირჩია. სოზარ სუბარის კანდიდატურას მხარი „ქართული ოცნების“ 86-მა წევრმა დაუჭირა.
ახალი ამბები
მკითხველის რჩეული
- 1 სამხარაძე: არაბმა პარტნიორებმა ინვესტიციების წინააღმდეგ კამპანიაზე რეაგირება გვთხოვეს
- 2 აბასთუმნის თავზე ფრენა აიკრძალა - რატომ ჩაკეტა სახელმწიფომ ცა იქ, სადაც ივანიშვილი ცხოვრობს
- 3 უცხოეთში მყოფ წვევამდელებს ჯარში გაწვევისას საქართველოში დაბრუნება მოუწევთ
- 4 საქართველო ევროპაში ბოლო ადგილზეა: პენსია ძირითადი ხარჯების მხოლოდ 22%-ს ფარავს
- 5 მეუფე ისაია უარყოფს, თითქოს კანდიდატურა მოსაყდრე შიოს სასარგებლოდ მოხსნა
- 6 პოლონეთში 5 თვის ჩვილის გარდაცვალების საქმეზე ნუგზარ ქავთარაშვილს ეძებენ
„დადგენილება მიღებულია. ვულოცავ ბატონ სოზარს, ვუსურვებ წარმატებულ საქმიანობას ვიცე-სპიკერის პოზიციიდან“, - განაცხადა არალეგიტიმური პარლამენტის თავმჯდომარემ, შალვა პაპუაშვილმა.
აღნიშნულ თანამდებობაზე სოზარ სუბარის კანდიდატურა „ხალხის ძალამ“ წარადგინა. დღეს პოლიტიკური ჯგუფის ერთ-ერთმა ლიდერმა, გურამ მაჭარაშვილმა განაცხადა, რომ „ხალხის ძალის“ წევრბემა საპარლამენტო უმრავლესობის დატოვება და „ჯანსაღი ოპოზიციის“ შექმნა გადაწყვიტეს.
არალეგიტიმური პარლამენტის თავმჯდომარის პირველი მოადგილე გიორგი ვოლსკია, ხოლო მოადგილეებად დანიშნულები არიან - გიორგი კახიანი, ნინო წილოსანი, თეა წულუკიანი და სოზარ სუბარი.
მე-11 მოწვევის პარლამენტის უფლებამოსილება „ქართულმა ოცნებამ“ 25 ნოემბერს ცნო, მიუხედავად იმისა, რომ საპარლამენტო არჩევნების კანონიერება საკონსტიტუციო სასამართლოში იყო გასაჩივრებული. ამით საქართველოს კონსტიტუცია და პარლამენტის რეგლამენტით დადგენილი წესები დაირღვა.
პარლამენტის ლეგიტიმურობას არ აღიარებს 26 ოქტომბრის არჩევნებში ბარიერგადალახული ოთხი პოლიტიკური გაერთიანებიდან/პარტიიდან არცერთი.
