უკრაინის შეიარაღებული ძალები რუსეთში, კურსკის ოლქის 28 დასახლებას აკონტროლებენ. ამის შესახებ ოლქის გუბერნატორის მოვალეობის შემსრულებელმა, ალექსეი სმირნოვმა რუსეთის პრეზიდენტ ვლადიმერ პუტინთან შეხვედრისას განაცხადა. სმირნოვმა კურსკში არსებულ ვითარებას „რთული“ უწოდა.
ახალი ამბები
მკითხველის რჩეული
- 1 რა მოხდა თელავის სასტუმროში, სადაც რუსეთის მოქალაქის ცემის ბრალდებით მამაკაცი დააკავეს
- 2 საპატრულო პოლიციამ შშმ პირს მანქანაში ჩააფსმევინა, შსს-ს 10 ათასის გადახდა დაეკისრა
- 3 283 ქოთანი და 7 კგ გამომშრალი მარიხუანა - დიზაინერ რატი რატიანს 15 წელი მიუსაჯეს
- 4 გაუპატიურება, წამება და დაკარგული ჩვილი - ნატა ვიბლიანის საქმეზე გამოძიება დაიწყო
- 5 დამოუკიდებელი მედიების რედაქტორები ელისო კილაძის საქმის განხილვის საჯაროობას ითხოვენ
- 6 სოხუმი მასშტაბური ენერგოკოლაფსის მიზეზად ენგურჰესზე მომხდარ ავარიას ასახელებს
„კურსკის ოლქის ტერიტორიაზე შეღწევის სიღრმე 12 კილომეტრია, სიგანე 40 კილომეტრია. ამ ზონაში 28 დასახლებული პუნქტი მდებარეობს, ეს დაახლოებით 2 ათასი ადამიანია, რომელთა ბედი არ ვიცით“, - განაცხადა სმირნოვმა.
ალექსეი სმირნოვის თქმით, კურსკის ოლქში უკრაინის შეტევის შედეგად დაიღუპა 12 და დაშავდა 121 ადამიანი, მათ შორის 10 ბავშვი. ამ დროისთვის ოლქის საზღვრისპირა ტერიტორიები დაახლოებით 121 ათასმა მაცხოვრებელმა დატოვა. გუბერნატორის მოვალეობის შემსრულებელმა აღნიშნა, რომ მთლიანობაში ევაკუაციას 180 ათასი ადამიანი ექვემდებარება.
სმირნოვმა ასევე განაცხადა, რომ კურსკის ოლქში მკაფიო ფრონტის ხაზის არარსებობა უკრაინელი სამხედროების ადგილმდებარეობის განსაზღვრას ართულებს.
„ჩვენთვის პრობლემა ის არის, რომ იქ არ არის მკაფიო ფრონტის ხაზი, არ არის ცნობილი, თუ სად არიან განლაგებული საბრძოლო ნაწილები. ძალიან მნიშვნელოვანია ვიცოდეთ, რომელ მომენტში სად არის მტერი,“ - უთხრა პუტინს გუბერნატორის მოვალეობის შემსრულებელმა.
უკრაინის შეიარაღებულმა კურსკის მიმართულებით შეტევა 6 აგვისტოს, გამთენიისას დაიწყეს. ვლადიმერ პუტინის განცხადებით, რუსეთის თავდაცვის სამინისტროს მთავარი ამოცანა ახლა რუსეთის ტერიტორიებიდან მტრის გაძევებაა.
