ჩეხი ჟურნალისტის, რეი ბეისლის თქმით, საქართველოში შემოსვლაზე უარი ეთქვა. ამის შესახებ მან სოციალურ ქსელ X-ში, 22 ოქტომბრის საღამოს დაწერა. მას შემდეგ ჟურნალისტთან, რომელიც თბილისში საპარლამენტო არჩევნების გასაშუქებლად ჩამოდიოდა, კავშირის დამყარება ვერ ხერხდება.
ახალი ამბები
მკითხველის რჩეული
- 1 რუსეთის 2 361 მოქალაქეს მიანიჭეს საქართველოს მოქალაქეობა 2024 წელს
- 2 თბილისის პოლიციის დეპარტამენტის დირექტორად ლაშა გოგნიაშვილი დაინიშნა
- 3 კობახიძე რუსეთის ხსენების გარეშე 9 აპრილზე პასუხისმგებლად „უცხოურ ძალას“ აცხადებს
- 4 რა წერია უცხოური გრანტების წინააღმდეგ „ქართული ოცნების“ კანონპროექტში
- 5 აქციის მონაწილეებმა რუსთაველის გამზირზე, 9 აპრილის მემორიალთან ღამე გაათენეს
- 6 ბრიტანეთმა ადამიანის უფლებების დარღვევის გამო „ოცნების“ 4 მაღალჩინოსანი დაასანქცირა
„დღეს 19:30 საათზე უარი მითხრეს საქართველოში შესვლაზე დასაბუთების და დამატებითი ახსნა-განმარტების გარეშე. ეს მიუღებელია, ადგილობრივმა მესაზღვრეებმაც კი არ იციან, რატომ არ შემიშვეს“, - დაწერა რეი ბეისლიმ და გამოაქვეყნა, საქართველოს შინაგან საქმეთა სამინისტროს გადაწყვეტილება, სადაც უარის საფუძვლად მითითებულია გრაფა - „არ აკმაყოფილებს საქართველოს კანონმდებლობით განსაზღვრულ სხვა მოთხოვნებს“.
მოგვიანებით, X-ში ჟურნალისტის პარტნიორმა ქალმა, მარია კაპლინამ დაწერა, რომ მასთან დაკავშირებას ვერ ახერხებს, რადგან მესაზღვრეებმა ტელეფონი და სხვა პირადი ნივთები ჩამოართვეს.
რეი ბეისლი ფრილანსერი ჟურნალისტია, რომელიც საქართველოსა და უკრაინაში განვითარებულ მოვლენებს აშუქებს. Facebook-ზე გამოქვეყნებული ფოტოების მიხედვით, ის თბილისში მიმდინარე წლის მაისშიც იმყოფებოდა, როდესაც ე.წ. „უცხოეთის აგენტების“ შესახებ რუსული კანონის საწინააღმდეგო დემონსტრაციები მიმდინარეობდა.
