საჯარო რეესტრის ეროვნულმა სააგენტომ პრორუსული და ძალადობრივი მოძრაობა „ალტ ინფოს“ მიერ დაფუძნებული პოლიტიკური პარტია, „კონსერვატიული მოძრაობა“ გააუქმა. რეგისტრაციის ბათილად ცნობის შესახებ გადაწყვეტილება 8 აპრილით არის დათარიღებული.
ახალი ამბები
მკითხველის რჩეული
- 1 რუსეთის 2 361 მოქალაქეს მიანიჭეს საქართველოს მოქალაქეობა 2024 წელს
- 2 სუს-ის ყოფილი უფროსი გრიგოლ ლილუაშვილი რეგიონული განვითარების მინისტრად აღარ დანიშნეს
- 3 თბილისის პოლიციის დეპარტამენტის დირექტორად ლაშა გოგნიაშვილი დაინიშნა
- 4 კობახიძე რუსეთის ხსენების გარეშე 9 აპრილზე პასუხისმგებლად „უცხოურ ძალას“ აცხადებს
- 5 რა წერია უცხოური გრანტების წინააღმდეგ „ქართული ოცნების“ კანონპროექტში
- 6 გადაალაგეს, სუს-იც თან გაატანეს არჩევნების გაყალბების ფუნქციით - მეზვრიშვილი ლილუაშვილზე
დოკუმენტიდან ირკვევა, რომ „კონსერვატიული მოძრაობის“ რეგისტრაციის გადაწყვეტილების კანონიერების შესწავლის მოთხოვნით საჯარო რეესტრის სააგენტოს ანტიკორუფციულმა ბიურომ 3 აპრილს მიმართა. პარტია 2021 წლის 7 დეკემბერს არის რეგისტრირებული.
სააგენტომ დაადგინა, რომ რეესტრში წარდგენილი დოკუმენტი კანონის მოთხოვნებს არ აკმაყოფილებდა. კერძოდ, 2021 წლის 6 დეკემბერს, სააგენტოს „კონსერვატიული მოძრაობის“ დამფუძნებელი ყრილობის თავმჯდომარის, კონსტანტინე მორგოშიას მიერ ხელმოწერილი ახალი წესდება წარედგინა, თუმცა ის ყრილობის მიერ არ იყო დამტკიცებული.
საჯარო რეესტრის ეროვნული სააგენტოს გადაწყვეტილება დღეს გამოქვეყნდა და ძალაში მაშინვე შევიდა. „ალტ ინფოს“ შეუძლია გადაწყვეტილება 30 დღის ვადაში გაასაჩივროს.
„ხელისუფლების დავალებით, საჯარო რეესტრმა ოფიციალურად გამოგვიცხადა, რომ ჩვენი პარტია, რომელიც წლების განმავლობაში დარეგისტრირებული იყო და არსებობდა, გააუქმა. ეს არის პირდაპირი დანაშაული, გაუგონარი ფორმის დანაშაული, როგორიც წინა ხელისუფლების პირობებშიც კი არ მომხდარა“, - განაცხადა „კონსერვატიული მოძრაობის“ თავმჯდომარე გიორგი ქარდავამ.
რამდენიმე დღის წინ „კონსერვატიული მოძრაობა/ალტ ინფო“ ცენტრალურმა საარჩევნო კომისიამ საარჩევნო სუბიექტად დარეგისტრირა. პარტია 26 ოქტომბერს დაგეგმილ საპარლამენტო არჩევნებში მონაწილეობას გეგმავდა.
