საბერძნეთში ტყის ხანძრები მძვინვარებს. ძლიერი ქარის გამო ცეცხლი სწრაფად ვრცელდება და ათენს უახლოვდება. ათზე მეტი სოფლიდან და ქალაქიდან მოსახლეობის ევაკუაცია განხორციელდა.
ახალი ამბები
მკითხველის რჩეული
- 1 სტრასბურგის სასამართლომ გელა მთივლიშვილის საქმის არსებითი განხილვა დაიწყო
- 2 სუს-მა ძებნა გამოაცხადა ლილუაშვილის ნათესავსა და ვანში „ოცნების“ დეპუტატზე, ბიჭიკო პაიკიძეზე
- 3 გაგლოევმა „ძალოვნებს“ დაავალა 4 ოქტომბრის არჩევნების წინ ე.წ. საზღვარზე სიტუაცია გააკონტროლონ
- 4 გლდანის ციხის ყოფილი დირექტორი დავით გოგობერიშვილი გარდაცვლილი იპოვეს
- 5 კობახიძე: სასურველი არ არის, მოსწავლემ პირველივე კურსიდან უცხოეთში განაგრძოს სწავლა
- 6 ხაზარაძე და გახარია: ჩვენს პარტიებს შორის ურთიერთთანამშრომლობის მემორანდუმი შედგა
ხანძარი კვირას, შუადღისით, დედაქალაქიდან დაახლოებით 30 კილომეტრის მოშორებით, ვარნავაში გაჩნდა.
„ჩრდილო-აღმოსავლეთ ატიკის მაცხოვრებლები შეეჩეხნენ უკიდურესად საშიშ ტყის ხანძარს, რომელსაც დრამატულ პირობებში 20 საათზე მეტია ვებრძვით. გამოწვევაა ძლიერი ქარი, გვალვა და ხშირი ტყის ძალიან რთული და უხეში რელიეფი“, - განაცხადა კლიმატის კრიზისისა და სამოქალაქო დაცვის მინისტრმა, ვასილის კიკილიასმა.
ოფიციალური ინფორმაციით, ხანძრის ქრობის სამუშაოებში 670-ზე მეტი მეხანძრე, 183 სახანძრო მანქანა, 32 სახანძრო თვითმფრინავი და ვერტმფრენია ჩართული.
საქართველოს საელჩო საბერძნეთში მცხოვრებ თანამემამულეებს მოუწოდებს, დაემორჩილონ შესაბამისი უწყებების მიერ გავრცელებულ მითითებებს, მათ შორის, გამოცხადების შემთხვევაში, ევაკუაციის მოთხოვნებს. საელჩოში აცხადებენ, რომ ცხელი ხაზით (+306952220000) „რაიმე შეტყობინება საქართველოს მოქალაქეების მხრიდან“ არ მიუღიათ.
