რუსეთის პრეზიდენტი ვლადიმერ პუტინი დღეს, 8 ოქტომბერს, კრემლში, აზერბაიჯანის პრეზიდენტ ილჰამ ალიევთან და სომხეთის პრემიერ-მინისტრ ნიკოლ ფაშინიანთან ორმხრივ შეხვედრებს გამართავს.
ახალი ამბები
მკითხველის რჩეული
- 1 ვლადიკავკაზში ქორწილის მონაწილეები საქართველოს დროშების გამოყენებისთვის დააპატიმრეს
- 2 ქართველი სამხედრო მფრინავი ზვიად ბექაური დაიღუპა კონგოს დემოკრატიულ რესპუბლიკაში
- 3 დამოუკიდებელი მედიების რედაქტორები ელისო კილაძის საქმის განხილვის საჯაროობას ითხოვენ
- 4 „სიკვდილი ამერიკას, სიკვდილი ისრაელს“ - ფონიჭალის მეჩეთმა მოჯთაბა ხამენეის მიმართვა გააზიარა
- 5 მოქალაქე თიანეთის პოლიციას სექსუალური ხასიათის მუქარასა და ძალადობაში ადანაშაულებს
- 6 ძამის ხეობაში კულტურული მემკვიდრეობის ძეგლი, მე-5 საუკუნის ეკლესია დაანგრიეს
როგორც რუსეთის პრეზიდენტის თანაშემწემ, იური უშაკოვმა განაცხადა, შეხვედრები დსთ-ს წევრი ქვეყნების მეთაურთა საბჭოს სხდომამდე გაიმართება. სამმხრივი შეხვედრა დაგეგმილი არ არის.
„განხილული იქნება აზერბაიჯანსა და სომხეთს შორის ურთიერთობების ნორმალიზების საკითხები. აქ რუსეთი აქტიურ და პოზიტიურ როლს ასრულებს. ყველა ამ რთული საკითხის კომპლექსური გადაწყვეტის საფუძველია მოსკოვში აზერბაიჯანის, სომხეთისა და რუსეთის ლიდერების მიერ მიღწეული სამმხრივი შეთანხმებების განხორციელება“, - აღნიშნა უშაკოვმა.
ამასთან, რუსეთის პრეზიდენტის თანაშემწემ თქვა, რომ დასავლეთი მოლაპარაკებების პროცესში ჩარევას ცდილობს, რაც „რეგიონულ საქმეებსა და თავად რეგიონში“ ჩარევის მცდელობაც არის.
სომხეთი იმედოვნებს, რომ აზერბაიჯანთან სამშვიდობო შეთანხმების დებულებებს ხელს მოაწერს უახლოეს ერთ თვეში, გაერთიანებული ერების ორგანიზაციის კლიმატის ცვლილების 29-ე სამიტამდე (COP-29), რომელიც 11 ნოემბერს ბაქოში დაიწყება. ამის შესახებ 7 ოქტომბერს პრეზიდენტმა ვაჰაგნ ხაჩატურიანმა Reuters-თან ინტერვიუში განაცხადა. „მხოლოდ ჩვენზე რომ იყოს დამოკიდებული, ხელს ახლავე, დღესვე მოვაწერდით. თუმცა, ვიმედოვნებთ, რომ ადრე თუ გვიან ეს მომენტი დადგება“, - დასძინა ხაჩატურიანმა.
ილჰამ ალიევი და ნიკოლ ფაშინიანი უკვე მოსკოვში იმყოფებიან.
