ონლაინ გამოცემა „პუბლიკის“ ჟურნალისტს, მინდია გაბაძეს თავს დაესხნენ. შემთხვევა იმ დროს მოხდა, როდესაც ჟურნალისტი რუსთაველის გამზირზე, ცისფერ გალერეასთან აქციის გასაშუქებლად იმყოფებოდა.
ახალი ამბები
მკითხველის რჩეული
- 1 სტრასბურგის სასამართლომ გელა მთივლიშვილის საქმის არსებითი განხილვა დაიწყო
- 2 დიდმა ბრიტანეთმა ლევან ვასაძე და ოთარ ფარცხალაძე დაასანქცირა
- 3 გაგლოევმა „ძალოვნებს“ დაავალა 4 ოქტომბრის არჩევნების წინ ე.წ. საზღვარზე სიტუაცია გააკონტროლონ
- 4 სუს-მა ძებნა გამოაცხადა ლილუაშვილის ნათესავსა და ვანში „ოცნების“ დეპუტატზე, ბიჭიკო პაიკიძეზე
- 5 გოცირიძე: ამ მასშტაბის ფულის გათეთრება ვერ ხერხდება ხელისუფლების მფარველობის გარეშე
- 6 „გამოიწვია ქონებრივი ზიანი 570 ლარის ოდენობით“ – პროკურატურამ ელენე ხოშტარიას ბრალი წარუდგინა
„მასალებს ვტვირთავდი, რა დროსაც ჩემთვის უცნობი პირი მომიახლოვდა და რომ ვკითხე, რა ხდება მეთქი, მუშტი დამარტყა სახეში, შემდეგ დამაგდო ძირს და წიხლებს მირტყამდა. მაგ დროს უკვე რამდენიმე იყო, სავარაუდოდ. მგონი, ორი ადამიანის ხმა მესმოდა“, - ჰყვება მინდია გაბაძე.
მისი თქმით, თავდამსხმელი ე.წ. ტიტუშკას ჰგავდა, ეცვა შავები და პირბადე ეკეთა.
გავრცელებულ ვიდეოში ჩანს, რომ იმ ადგილის სიახლოვეს, სადაც ჟურნალისტზე თავდასხმა მოხდა, საპატრულო პოლიციის ეკიპაჟი იყო გაჩერებული. გაქცეულმა თავდამსხმელებმა პოლიციელებს ისე ჩაურბინეს, რომ, ხალხის შეძახილების მიუხედავად, მათ რეაგირება არ მოუხდენიათ.
ჟურნალისტი ამ დროისთვის პოლიციის განყოფილებაში იმყოფება. მას სახეზე დაზიანებები ეტყობა და როგორც ამბობს, თავის ძლიერი ტკივილი აქვს.
„ეს იყო მიზანმიმართული ადევნება ჩვენს ჟურნალისტზე. პროფესიული მოვალეობის შესრულების დროს მას გამოჰყვნენ ეს უცნობი პირები და როცა უკვე მარტო იყო, დღისით-მზისით, დედაქალაქის ცენტრალურ გამზირზე თავს დაესხნენ“, - განაცხადა „პუბლიკის“ რედაქტორმა, ლიკა ზაკაშვილმა და აღნიშნა, რომ მედიის წარმომადგენლებზე მსგავსი ძალადობა ხელისუფლების მიერ არის წახალისებული.
