Հարձակման է ենթարկվել «Պուբլիկա»-ի լրագրող Մինդիա Գաբաձեն

«Նյութեր էի բեռնում, երբ ինձ մոտեցավ անհայտ անձ, և երբ հարցրի, թե ինչ է կատարվում, բռունցքով հարվածեց դեմքիս, հետո վայր ընկա ու ոտքերով հարվածեց։ Այն ժամանակ արդեն մի քանիսն էին, հավանաբար։ Կարծում եմ՝ երկու հոգու ձայն եմ լսել»,- ասում է Մինդիա Գաբաձեն։

Նրա խոսքով՝ հարձակվողը նման է եղել այսպես կոչված Տիտուշկայի՝ սև հագուստով և դիմակով։

Տարածված տեսանյութում երևում է, որ լրագրողի վրա հարձակման վայրի մոտակայքում կայանված է պարեկային ոստիկանության բրիգադի մեքենան։ Փախուստի դիմած հարձակվողներն այնպես են անցել ոստիկանների կողքով, որ, չնայած մարդկանց բղավոցներին, նրանք չեն արձագանքել։

Լրագրողն այս պահին գտնվում է ոստիկանությունում։ Նա վնասվածքներ ունի դեմքի հատվածում և, ինչպես ինքն է ասում է, ուժեղ գլխացավ ունի:

«Դա մեր լրագրողի հանդեպ միտումնավոր հետապնդում էր։ Իր մասնագիտական ​​պարտականությունը կատարելիս այս անհայտ անձինք հետևել են նրան և երբ արդեն մենակ է եղել, օրը ցերեկով հարձակվել են նրա վրա մայրաքաղաքի կենտրոնական պողոտայում»,-ասել է «Պուբլիկա»-ի խմբագիր Լիկա Զակաշվիլին՝ նշելով, որ նմանատիպ բռնությունները ԶԼՄ ներկայացուցիչների դեմ խրախուսվում է իշխանության կողմից։