პრემიერ-მინისტრმა ირაკლი კობახიძემ სსიპ ლევან სამხარაულის სახელობის სასამართლო ექსპერტიზის ეროვნული ბიუროს უფროსი მამუკა ჯანგულაშვილი თანამდებობიდან გაათავისუფლა.
ახალი ამბები
მკითხველის რჩეული
- 1 6 წელზე მეტი ასაკის ავტომობილების იმპორტი 1-ელი აპრილიდან აიკრძალება
- 2 „სფერო ჰოლდინგის“ საქმეზე კიდევ ერთი პირი, სოფიკო პეტრიაშვილი დააკავეს
- 3 18 წლის ბიჭის მკვლელობისთვის ივანე გიგლემიანს უვადო პატიმრობა მიუსაჯეს
- 4 ტელეკომპანია „იმედი“ 1000 ლარად კომპანია „პრაიმ მედია გლობალმა“ იყიდა
- 5 მოზარდზე ძალადობისთვის გლდანი-ნაძალადევის პოლიციის უფროსის მოადგილე დააკავეს
- 6 დასანქცირების შემდეგ ტელეკომპანია „იმედი“ აცხადებს, რომ საკუთარ ბანკს შექმნის
შესაბამისი ბრძანება კობახიძემ 14 აგვისტოს გამოსცა. უცნობია, რა გახდა ჯანგულაშვილის გათავისუფლების მიზეზი.
მამუკა ჯანგულაშვილი სასამართლო ექსპერტიზის ეროვნული ბიუროს უფროსის პოსტზე 2021 წლის მარტში, მაშინდელი პრემიერ-მინისტრის, ირაკლი ღარიბაშვილის ბრძანებით დაინიშნა. მანამდე, 2006 წლიდან, ის ფინანსთა სამინისტროს შემადგენლობაში შემავალ საგამოძიებო დეპარტამენტებში მუშაობდა. 2015 წლიდან შემოსავლების სამსახურის საგადასახადო მონიტორინგის დეპარტამენტის უფროსი იყო,ხოლო 2018 წლიდან 2021 წლამდე საბაჟო დეპარტამენტის უფროსის თანამდებობას იკავებდა.
კანონის მიხედვით, სსიპ ლევან სამხარაულის სახელობის სასამართლო ექსპერტიზის ეროვნული ბიუროს უფროსს თანამდებობაზე ნიშნავს და თანამდებობიდან ათავისუფლებს საქართველოს პრემიერ-მინისტრი.
