თბილისში, პარლამენტთან მიმდინარე აქციაზე, პოლიციის თანამშრომლებმა სამი სტუდენტი დააკავეს.
ახალი ამბები
მკითხველის რჩეული
- 1 სტრასბურგის სასამართლომ გელა მთივლიშვილის საქმის არსებითი განხილვა დაიწყო
- 2 გლდანის ციხის ყოფილი დირექტორი დავით გოგობერიშვილი გარდაცვლილი იპოვეს
- 3 კობახიძე: სასურველი არ არის, მოსწავლემ პირველივე კურსიდან უცხოეთში განაგრძოს სწავლა
- 4 ბერლინში მოკლული ზელიმხან ხანგოშვილის ძმას და ნათესავებს გერმანია დაატოვებინეს
- 5 ღარიბაშვილის, ლილუაშვილის და ფარცხალაძის სახლებში ჩხრეკა ჩატარდა
- 6 4 ოქტომბრის საქმეზე დაკავებული 13 პირის ვინაობა ცნობილია
თვითმხილველების ინფორმაციით, თაკო გვილიასა და თათია აფრიამაშვილის, საქართველოს სახელმწიფო უნივერსიტეტის (სეუ) სტუდენტების დაკავების მიზეზი პლასტმასის სკამები გახდა. სტუდენტები პარლამენტთან, კიბეებზე, მეხუთე ღამეს ათენებენ. დღეს, წვიმის გამო, მათ სკამების მიტანა გადაწყვიტეს, რისი საშუალებაც პოლიციამ არ მისცა. პოლიციელების განმარტებით, სკამები „საფრთხის შემცველი“ იყო.
„ჩამოგართმევთ და დაგაკავებთ პოლიციის წინააღმდეგობისთვის“, - უთხრა ერთ-ერთმა პოლიციელმა სტუდენტებს. მას შემდეგ, რაც გოგოებმა სკამები ტროტუარზე დადეს და დასხდნენ, პოლიციელებმა ისინი ძალის გამოყენებით დააკავეს.
მესამე დაკავებული ილიას სახელმწიფო უნივერსიტეტის სტუდენტი ლუკა გოგიაა. თვითმხილველის მიერ გადაღებულ ვიდეოში ჩანს, რომ ის პოლიციელებს ტაშს უკრავდა, როდესაც მოულოდნელად, რამდენიმე მათგანი მივარდა და დააკავა.
პარლამენტთან მყოფი სტუდენტები მომხდარს მათი დაშინების მცდელობად აფასებენ.
