Թբիլիսիում խորհրդարանի մոտ տեղի ունեցած բողոքի ակցիայի ժամանակ ոստիկանության աշխատակիցները ձերբակալել են երեք ուսանողի։
Լրահոս
Ընթերցողի ընտրանի
- 1 «Սոփլիս Նոբաթիի» կաթի մեջ առողջության համար վտանգավոր նյութ է հայտնաբերվել
- 2 Կավելաշվիլին ետ է կանչել ռուսական օրենքը չեղարկելու վերաբերյալ Զուրաբիշվիլիի սահմանադրական հայցը
- 3 ՄԱՇ․ Գեներալներ Գոգավան և Կուրաշվիլին ռուսական հանձնաժողովին կներկայանան առանց կուսակցական պատկանելության
- 4 Ի՞նչ է գրված օտարերկրյա դրամաշնորհների դեմ «Վրացական երազանք» կուսակցության օրինագծում
- 5 Կոբախիձեն առանց Ռուսաստանը հիշատակելու ապրիլի 9-ի պատասխանատվությունը վերագրում է «օտար ուժին»
- 6 «Վրացական երազանքը» պատրաստվում է արգելել առանց կառավարության համաձայնության օտարերկրյա դրամաշնորհներ ստանալը
Ականատեսների վկայությամբ՝ Վրաստանի ազգային համալսարանի (ՎԱՀ) ուսանողներ Թակո Գվիլիայի և Թաթիա Ափրիամաշվիլիի ձերբակալության պատճառը եղել է պլաստմասե աթոռները։ Խորհրդարանի աստիճաններին ուսանողները հինգերորդ գիշերն են անցկացնում։ Այսօր անձրևի պատճառով որոշել են աթոռներ բերել, ինչը ոստիկանները թույլ չեն տվել։ Ոստիկանության տվյալներով՝ աթոռները «վտանգավոր» են եղել։
«Ձեզնից կխլենք ու կկալանավորենք ոստիկաններին դիմադրելու համար»,- ուսանողներին ասել է ոստիկաններից մեկը։ Այն բանից հետո, երբ աղջիկները իրենց աթոռները դրել մայթին ու նստել, ոստիկանները բռնի ուժով ձերբակալել են նրանց։
Երրորդ ձերբակալվածը Իլիայի պետական համալսարանի ուսանող Լուկա Գոգիան է: Ականատեսի կողմից արված տեսանյութում երևում է, թե ինչպես է նա ծափահարում ոստիկաններին, երբ հանկարծ նրանցից մի քանիսը ձերբակալում են ուսանողին։
Խորհրդարանի մոտ գտնվող ուսանողները տեղի ունեցածը համարում են իրենց վախեցնելու փորձ։
