„ქართული ოცნების“ დეპუტატი მიხეილ სარჯველაძე, რომელიც ჯანდაცვის მინისტრად დაინიშნა, პარლამენტში საარჩევნო სიის მომდევნო წევრმა, იმედა ნიკურაძემ ჩაანაცვლა.
ახალი ამბები
მკითხველის რჩეული
- 1 2024 წელს საქართველოში რეკორდული რაოდენობის ჩინური კომპანია დარეგისტრირდა
- 2 ზურაბ ჯაფარიძე დააპატიმრეს „ქართული ოცნების“ კომისიაში გამოუცხადებლობის გამო
- 3 ნენსკრას, ხუდონის, ნამახვანის ჰესების მიმართულებით მუშაობა დაწყებულია - კობახიძე
- 4 „ქართული ოცნების“ დროშის დაწვის შემდეგ აქციის მონაწილე უჩა ქემაშვილი დააკავეს
- 5 ტრამპი ყაველაშვილს დამოუკიდებლობის დღეს ულოცავს - ყაველაშვილის პრესსამსახური
- 6 კრიტიკული არხების ცენზურა - „ქართული ოცნება“ ტვ პირველს და ფორმულას უჩივის
იმედა ნიკურაძე დღემდე თბილისის მერიის მიერ დაფუძნებული ააიპ „თბილისის განვითარების ფონდის“ დირექტორის მოადგილე იყო. მანამდე ის „თბილისის მერიის არქიტექტურის სამსახურის“ უფროსის მოადგილის თანამდებობას იკავებდა. 2015 წლამდე იმედა ნიკურაძე ბიძინა ივანშვილის კუთვნილი სამშენებლო კომპანიის „ელიტა ბურჯის“ ადმინისტრაციის უფროსი და იურისტი იყო.
მიხეილ სარჯველაძე საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრად 2024 წლის 11 მარტს დაინიშნა. ამის გამო მას პარლამენტის წევრის უფლებამოსილება შეუწყდა.
სარჯველაძეს პარლამენტში ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარის თანამდებობაც ეკავა. ამ პოზიციაზე ის „ქართული ოცნების“ წევრმა, რატი იონათამიშვილმა შეცვალა.
