Առողջապահության նախարարի պաշտոնում նշանակված «Վրացական երազանքի» պատգամավոր Միխեիլ Սարջվելաձեին փոխարինել է ընտրական ցուցակի հաջորդ անդամը՝ Իմեդա Նիկուրաձեն։
Լրահոս
Ընթերցողի ընտրանի
- 1 Առգրավվել է 7 միլիոն դոլար․ ՊԱԾ-ը՝ Ղարիբաշվիլիի և այլ նախկին բարձրաստիճան պաշտոնյաների տների խուզարկության մասին
- 2 Կառավարության հրաժարականի պահանջով հոկտեմբերի 26-ին տեղի կունենա բողոքի երթ
- 3 Ընդդիմության արգելման վերաբերյալ Սահմանադրական դատարան հայց կներկայացվի հոկտեմբերին
- 4 ԿԸՀ. «Վրացական երազանքի» քաղաքապետի թեկնածուները 25 ընտրատարածքներում ստացել են ձայների 100%-ը
- 5 Դատախազությունը մեղադրանք է առաջադրել Իրակլի Ղարիբաշվիլիին
Այսօրվա նիստում 89 խորհրդարանականները սատարել են Իմեդա Նիկուրաձեի պատգամավորի լիազորությունները ճանաչելու մասին բանաձևի նախագիծը։
Մինչ այս Իմեդա Նիկուրաձեն Թբիլիսիի քաղաքապետարանի կողմից հիմնադրված «Թբիլիսիի զարգացման հիմնադրամի» փոխտնօրենն էր։ Մինչ այդ նա զբաղեցնում էր «Թբիլիսիի քաղաքապետարանի ճարտարապետական ծառայության» պետի տեղակալի պաշտոնը։ Մինչև 2015 թվականը Իմեդա Նիկուրաձեն Բիձինա Իվանշվիլիին պատկանող «Էլիտա Բուրջի» շինարարական ընկերության վարչակազմի ղեկավարն ու փաստաբանն էր։
Միխեիլ Սարջվելաձեն Վրաստանի օկուպացված տարածքներից տեղահանվածների, աշխատանքի, առողջապահության և սոցիալական պաշտպանության նախարար է նշանակվել 2024 թվականի մարտի 11-ին։ Այդ պատճառով նա զրկվել է խորհրդարանի պատգամավորի լիազորություններից։
Սարջվելաձեն խորհրդարանում զբաղեցնում էր մարդու իրավունքների պաշտպանության և քաղաքացիական ինտեգրման հանձնաժողովի նախագահի պաշտոնը։ Նրան այս պաշտոնում փոխարինել է «Վրացական երազանքի» անդամ Ռատի Իոնաթամիշվիլին։
