ახალციხეში, ორფოლოს პოლიგონზე მეხის დაცემის შედეგად დაშავებული ვიცე-პოლკოვნიკი გოდერძი აფრასიძე კლინიკაში გარდაიცვალა. ამის შესახებ ინფორმაციას თავდაცვის სამინისტრო ადასტურებს.
ახალი ამბები
მკითხველის რჩეული
- 1 საპატრულო პოლიციამ შშმ პირს მანქანაში ჩააფსმევინა, შსს-ს 10 ათასის გადახდა დაეკისრა
- 2 283 ქოთანი და 7 კგ გამომშრალი მარიხუანა - დიზაინერ რატი რატიანს 15 წელი მიუსაჯეს
- 3 ბანკირის ენერგოპროექტი - გოგნის ქარის ელექტროსადგურისთვის კოლხურ ტყეებს გაჩეხავენ
- 4 სოხუმი მასშტაბური ენერგოკოლაფსის მიზეზად ენგურჰესზე მომხდარ ავარიას ასახელებს
- 5 ნატა ვიბლიანის გაუპატიურების ერთი ეპიზოდი მამის საფლავზე მოხდა - ადვოკატი
- 6 „საეჭვო გარემოება ვერ გამოვლინდა“ - შსს 2014 წელს გაუჩინარებული გურამ დადიანიძის საქმეზე
„საქართველოს თავდაცვის სამინისტრო ღრმა მწუხარებას გამოთქვამს ვიცე-პოლკოვნიკ გოდერძი აფრასიძის გარდაცვალების გამო. თავდაცვის სამინისტრო უსამძიმრებს გოდერძი აფრასიძის ოჯახს და ახლობლებს“, - ნათქვამია გავრცელებულ განცხადებაში.
გოდერძი აფრასიძე საქართველოს თავდაცვის ძალების დასავლეთის სარდლობის მე-2 ქვეითი ბრიგადის 24-ე საარტილერიო ბატალიონის მეთაური იყო. ის 15 ივნისს, ორფოლოს პოლიგონზე მიმდინარე გეგმური საველე სწავლების დროს დაშავდა. აფრასიძე უგონო მდგომარეობაში ჯერ ახალციხის რეფერალურ საავადმყოფოში შეიყვანეს, ხოლო შემდეგ თბილისში, დამწვრობის ცენტრში გადმოყვანა გახდა საჭირო. ცენტრის ხელმძღვანელი, გუგა ქაშიბაძე აცხადებდა, რომ სამხედროს დამწვრობითი შოკი ჰქონდა და რეანიმაციულ განყოფილებაში მართვით სუნთქვაზე იმყოფებოდა.
გოდერძი აფრასიძის გარდაცვალებასთან დაკავშირებით სამხედრო პოლიციის დეპარტამენტის სამცხე-ჯავახეთის რეგიონალურმა სამმართველომ მოკვლევა დაიწყო.
