მევენახეებს, რომლებსაც ყურძენი სეტყვამ გაუნადგურა და ვენახი დაზღვეული არ ჰქონდათ, მთავრობა, დაზიანებულ თითოეულ ჰექტარზე, ბიუჯეტიდან დახმარების სახით 3500 ლარს გამოუყოფს. ამის შესახებ საქართველოს პრემიერ-მინისტრმა 2 ოქტომბერს, მთავრობის სხდომაზე განაცხადა.
ახალი ამბები
მკითხველის რჩეული
- 1 თავდაცვის ყოფილი მინისტრის მოადგილე და ნათესავი დააკავეს 1.3 მლნ-ის გაფლანგვის ბრალდებით
- 2 სტრასბურგის სასამართლომ გამოაქვეყნა კითხვები მზია ამაღლობელის საქმეზე
- 3 რუსეთი ალეკო ელისაშვილს დაუსწრებლად ასამართლებს უკრაინაში ბრძოლისთვის
- 4 „ოცნების“ ყოფილი დეპუტატი ლუკა კურტანიძე ყოფილ ცოლზე ძალადობის შემდეგ დააკავეს
- 5 ოკუპირებულ აფხაზეთში საქართველოს მოქალაქე დააკავეს და რუსეთს გადასცეს
- 6 სააკაშვილი: აპირებენ ხაბეიშვილის დადანაშაულებას შეიარაღებული გადატრიალების მცდელობაში
„კახეთის რეგიონში ახლა ძალიან წარმატებულად მიმდინარეობს რთველი. მე პირად მოვინახულე, ადგილზე ჩავედი და სიტუაცია არის ძალიან კარგი. ჩვენ მაქსიმალურად ვეხმარებით ჩვენს ხალხს. მევენახეებს, სამწუხაროდ, ძალიან ბევრს დაესეტყვა ათასობით ჰექტარი ვენახი, განადგურდა მათი მოსავალი. ჩვენ ვთქვით, რომ ამ დაზიანებულ ყურძენს ჩავიბარებთ. 20 მლნ ლარის ღირებულების დაზიანებული, დასეტყვილი ყურძენი უკვე ჩაბარებული გვაქვს, მაგრამ ამის მიუხედავად, ვინაიდან მათ ზიანი მიადგათ, გადავწყვიტეთ, როგორც 2 წლის წინ გავაკეთეთ, ახლაც გვინდა დავეხმაროთ დაზარალებულ მევენახეებს და დაზიანებულ 1 ჰექტარზე 3500 ლარი გამოვუყოთ დახმარების სახით. ვფიქრობ, ეს დაეხმარება მათ, რომ გამოიყენონ მიზნობრივად ამ დაზიანებული ვენახის გადარჩენაში და შემდეგ კვლავ აღდგენაში“, - განაცხადა ირაკლი ღარიბაშვილმა.
როგორც მთავრობის სხდომის დასრულების შემდეგ გარემოს დაცვისა და სოფლის მეურნეობის მინისტრის მოადგილემ, თენგიზ ნასარიძემ განმარტა, 2 და 17 სექტემბრის სეტყვის შედეგად, დაახლოებით 6 ათას ჰექტრამდე ვენახი დაზიანდა.
„ამ ფართობიდან, საბედნიეროდ, თითქმის ნახევარი დაზღვეული იყო, რაც ძალიან კარგია. თუმცა, გარკვეული ფაქტორების გათვალისწინებით, დანარჩენი ფართობის მესაკუთრეებს ვენახი დაზღვეული არ ჰქონდათ. მთავრობის გადაწყვეტილებით შემუშავებულია მექანიზმი, რომლითაც ყველა მევენახე, ვისაც ყურძენი სრულად დაუზიანდა, ერთ ჰექტარზე 3500 ლარის ოდენობით დახმარებას მიიღებს“, - აღნიშნა თენგიზ ნასარიძემ.
