„ქართული ოცნების“ პარლამენტის მიერ სახელმწიფო უსაფრთხოების სამსახურის უფროსად დანიშნული მამუკა მდინარაძის პირველი მოადგილე ლაშა მაღრაძე იქნება. აღნიშნულ თანამდებობას ბოლო ხუთი თვის განმავლობაში ირაკლი ბერაია იკავებდა.
ახალი ამბები
მკითხველის რჩეული
- 1 რუსეთი კვლავ უკრაინის „დემილიტარიზაციას“ და ნეიტრალურ სტატუსს ითხოვს
- 2 როგორ დაგეგმეს ლევან ჯანგველაძის შეკვეთილი მკვლელობა - პროკურატურამ 5 პირს ბრალი წარუდგინა
- 3 „ქართულმა ოცნებამ“ 63 მუნიციპალიტეტში მერობის კანდიდატები წარადგინა
- 4 სახელმწიფო დეპარტამენტის ანგარიში: „ტიტუშკები“, თავდასხმები მედიაზე და დაუსჯელობა
- 5 მნიშვნელოვანია, საქართველოს ხელისუფლების აღიარება საქმედ იქცეს – ზახაროვა აგვისტოს ომზე
- 6 კიევზე რუსეთის მასირებული შეტევის შედეგად დაღუპულთა რიცხვი 18-მდე გაიზარდა
„მიუხედავად იმისა, რომ ჩვენი მეგობარია და ძალიან კარგი კადრია, მე ჩემი ხედვები მაქვს, ჩემი გუნდი მყავს, რომელსაც ამ სამსახურში ვამუშავებ ძალიან წარმატებით, დარწმუნებული ვარ“, - განაცხადა მდინარაძემ ირაკლი ბერაიასთან დაკავშირებით. ბერაია 2024 წლის 5 აპრილიდან 2025 წლის 5 აპრილამდე დაზვერვის სამსახურის უფროსი იყო.
ლაშა მაღრაძე აპრილის ბოლოდან დღემდე „ქართული ოცნების“ იუსტიციის მინისტრის პირველი მოადგილე იყო, ხოლო თებერვლიდან აპრილამდე - სპორტის მინისტრის მოადგილედ მუშაობდა. უფრო ადრე იყო უზენაესი სასამართლოს თავმჯდომარის ბიუროს უფროსი და იუსტიციის უმაღლესი სკოლის დირექტორი.
რაც შეეხება სუს-ის უფროსის სხვა ახლად დანიშნულ მოადგილეებს, ესენი არიან:
ალექსანდრე მაისურაძე – იუსტიციის მინისტრის მოადგილედ მუშაობდა 2025 წლის მაისიდან. მანამდე იყო საქართველოს საგარეო დაზვერვის სამსახურის უსაფრთხოების დირექტორატის უფროსი.
ლევან ხარაბაძე – 2024 წლის მარტიდან იკავებდა შიდა ქართლში სახელმწიფო რწმუნებულის თანამდებობას, წელს კი ქვემო ქართლში სახელმწიფო რწმუნებულად დაინიშნა. 2004 წლიდან მუშაობდა შინაგან საქმეთა სამინისტროს სისტემაში. ხელისუფლებაში „ერთიანი ნაციონალური მოძრაობის“ ყოფნის პერიოდში, 2004-2013 წლებში, ლევან ხარაბაძე იყო ვაკე-საბურთალოს მე-3 განყოფილების უფროსის მოადგილე, მე-3, მე-5 და მე-6 განყოფილებების უფროსი, ასევე, თბილისის სამმართველოს დეტექტივების სამმართველოს უფროსი. 2013 წელს ის აჭარის ავტონომიური რესპუბლიკის სამხარეო პოლიციის უფროსის მოადგილის თანამდებობაზე გადაიყვანეს, 2015 წლიდან 2018 წლამდე კი დიდუბე-ჩუღურეთის სამმართველოს უფროსის მოადგილედ მუშაობდა. 2021-2024 წლებში იყო გურიის პოლიციის დეპარტამენტის დირექტორი, 2020-2021 წლებში სამცხე-ჯავახეთის პოლიციის დეპარტამენტის ხელმძღვანელობდა, ხოლო 2019-2020 წლებში მცხეთა-მთიანეთის პოლიციის დეპარტამენტის დირექტორის მოადგილის თანამდებობა ეკავა.
თამაზ ბორაშვილი – სუს-ის სახელმწიფო უსაფრთხოების დეპარტამენტის ყოფილი დირექტორი.
„ქართული ოცნების“ პარლამენტმა მამუკა მდინარაძემ საქართველოს სახელმწიფო უსაფრთხოების სამსახურის უფროსის თანამდებობაზე 6 წლის ვადით დაამტკიცა. მანამდე, სუს-ის უფროსად თითქმის ხუთთვიანი მუშაობის შემდეგ, ანრი ოხანაშვილი გაათავისუფლეს.
