ლომის ბოკვერი, რომელთან ერთადაც ძიუდოში ორგზის ოლიმპიური ჩემპიონი ლაშა ბექაური მანქანით სეირნობდა, თბილისის ზოოპარკს გადაეცა.
ახალი ამბები
მკითხველის რჩეული
- 1 სტრასბურგის სასამართლომ გელა მთივლიშვილის საქმის არსებითი განხილვა დაიწყო
- 2 დიდმა ბრიტანეთმა ლევან ვასაძე და ოთარ ფარცხალაძე დაასანქცირა
- 3 გაგლოევმა „ძალოვნებს“ დაავალა 4 ოქტომბრის არჩევნების წინ ე.წ. საზღვარზე სიტუაცია გააკონტროლონ
- 4 სუს-მა ძებნა გამოაცხადა ლილუაშვილის ნათესავსა და ვანში „ოცნების“ დეპუტატზე, ბიჭიკო პაიკიძეზე
- 5 გოცირიძე: ამ მასშტაბის ფულის გათეთრება ვერ ხერხდება ხელისუფლების მფარველობის გარეშე
- 6 „გამოიწვია ქონებრივი ზიანი 570 ლარის ოდენობით“ – პროკურატურამ ელენე ხოშტარიას ბრალი წარუდგინა
„დღეს დილით მოიყვანა, გადმოგვცა საჩუქრად“, - განაცხადა ზოოპარკის დირექტორმა, ზურაბ გურიელიძემ და აღნიშნა, რომ ამ პროცესს გარემოს დაცვის სამინისტროს წარმომადგენელიც ესწრებოდა.
ზოოპარკის ხელმძღვანელის თქმით, ბექაურს არ უთქვამს, საიდან ჰყავდა ლომის ბოკვერი.
„არ უთქვამს, საიდან, როგორ იყო. გარემოს დაცვის სამინისტრო საქმის კურსშია და მისი წარმომადგენელი ესწრებოდა ამ ყველაფერს. ჩვენ კერძო პირისგან, ვინც არ უნდა იყოს, [ცხოველს], რა თქმა უნდა, ვერ მივიღებთ თუ სახელმწიფო ორგანიზაცია არ არის ჩართული“, - აღნიშნა გურიელიძემ ტელეკომპანია „პირველთან“ ინტერვიუში.
ლაშა ბექაურმა 24 დეკემბერს სოციალურ ქსელ Instagram-ზე გამოაქვეყნა ვიდეო, სადაც ჩანს, რომ საკუთარი „პორშეს“ მარკის ავტომობილით გადაადგილდება და გვერდით სავარძელზე ლომის ბოკვერს ეფერება.
უცნობია, როგორ მოხვდა საქართველოში ლომის ბოკვერი. ველური ცხოველის შემოყვანისთვის სპეციალური ნებართვის, სერტიფიკატის არსებობაა საჭირო, რომელსაც ის ქვეყანა გასცემს, საიდანაც ცხოველი გადის. საქართველოს კანონმდებლობით, არალეგალური იმპორტი დანაშაულია და სისხლის სამართლის კოდექსით ორიდან ოთხ წლამდე პატიმრობით ისჯება.
არაერთი მიმართვის მიუხედავად ამ საკითხზე კომენტარი არ გააკეთეს არც გარემოს დაცვის სამინისტროში და არც შემოსავლების სამსახურში.
