ონლაინგამოცემების, „ბათუმელებისა“ და „ნეტგაზეთის“ დამფუძნებლის, უკანონო პატიმრობაში მყოფი მზია ამაღლობელის ჯანმრთელობის მდგომარეობა დამაკმაყოფილებელია. ამის შესახებ „ვივამედის“ კლინიკურმა დირექტორმა, ზურაბ ჩხაიძემ განაცხადა.
ახალი ამბები
მკითხველის რჩეული
- 1 ვლადიკავკაზში ქორწილის მონაწილეები საქართველოს დროშების გამოყენებისთვის დააპატიმრეს
- 2 ქართველი სამხედრო მფრინავი ზვიად ბექაური დაიღუპა კონგოს დემოკრატიულ რესპუბლიკაში
- 3 დამოუკიდებელი მედიების რედაქტორები ელისო კილაძის საქმის განხილვის საჯაროობას ითხოვენ
- 4 გაუპატიურება, წამება და დაკარგული ჩვილი - ნატა ვიბლიანის საქმეზე გამოძიება დაიწყო
- 5 „სიკვდილი ამერიკას, სიკვდილი ისრაელს“ - ფონიჭალის მეჩეთმა მოჯთაბა ხამენეის მიმართვა გააზიარა
- 6 მძღოლს, რომელმაც გორში ავარიით დედა-შვილი იმსხვერპლა, 225 ვიდეოჯარიმა ჰქონდა
„ქალბატონმა მზიამ შეწყვიტა შიმშილობა და ახლა მიმდინარეობს კვების აღდგენის პროცესი. ამ პროცესში ჩვენ ვხელმძღვანელობთ საერთაშორისოდ აღიარებული ე.წ. რეფიდინგ პროტოკოლით. მკურნალ ექიმთან ერთად ჩართულია ენდოკრინოლოგ-ნუტრიციოლოგი. მას ამ პროტოკოლის შესაბამისად მიეწოდება შესაბამისი კალორაჟის საკვები და პარალელურ რეჟიმში უტარდება ლაბორატორიული კვლევები.
ზოგადი მდგომარეობა, შეიძლება ითქვას, რომ ამ ეტაპზე არის დამაკმაყოფილებელი და კვების აღდგენის პროცესიც მიმდინარეობს ყოველგვარი გართულების გარეშე“, - განაცხადა ჩხაიძემ.
მზია ამაღლობელი პატიმრობაში 12 იანვრიდან იმყოფება. ბათუმის პოლიციის უფროსის, ირაკლი დგებუაძისთვის სილის გაწვნის გამო მას ბრალი პოლიციელზე თავდასხმის მუხლით აქვს წარდგენილი, რაც 4-დან 7 წლამდე ვადით თავისუფლების აღკვეთით ისჯება.
ჟურნალისტის ინტერესებს „საქართველოს ახალგაზრდა იურისტთა ასოციაციის“ ადვოკატები და იურიდიული ფირმა BLB-ის უფროსი პარტნიორი, თბილისის ყოფილი პროკურორი მაია მწარიაშვილი იცავენ. მათი შუამდგომლობა, მზია ამაღლობელის მიმართ აღკვეთის ღონისძიების სახით გამოყენებული პატიმრობის გაუქმების შესახებ, საქალაქო და სააპელაციო სასამართლოებმა არ განიხილეს. ადვოკატები ამბობენ, რომ სისხლისსამართლებრივი დევნა უკანონოა და პოლიტიკური რეპრესიის სახეს ატარებს.
მზია ამაღლობელი რუსთავის N5 ქალთა პენიტენციური დაწესებულებიდან კლინიკა „ვივამედში“ 4 თებერვალს გადაიყვანეს. მან კვების აღდგენის გადაწყვეტილება 18 თებერვალს, შიმშილობის 38-ე დღეს, მიიღო.
