„ქართული ოცნების“ პარლამენტმა თორნიკე ფაღავას პარლამენტის წევრად არჩევის დადგენილებას დაუჭირა მხარი. ფაღავამ მამუკა მდინარაძე შეცვალა, რომელიც დღეიდან სახელმწიფო უსაფრთხოების სამსახურის უფროსის თანამდებობაზე გააგრძელებს მუშაობას.
ახალი ამბები
მკითხველის რჩეული
- 1 რუსეთი ალეკო ელისაშვილს დაუსწრებლად ასამართლებს უკრაინაში ბრძოლისთვის
- 2 რუსეთი კვლავ უკრაინის „დემილიტარიზაციას“ და ნეიტრალურ სტატუსს ითხოვს
- 3 როგორ დაგეგმეს ლევან ჯანგველაძის შეკვეთილი მკვლელობა - პროკურატურამ 5 პირს ბრალი წარუდგინა
- 4 „ქართულმა ოცნებამ“ 63 მუნიციპალიტეტში მერობის კანდიდატები წარადგინა
- 5 სახელმწიფო დეპარტამენტის ანგარიში: „ტიტუშკები“, თავდასხმები მედიაზე და დაუსჯელობა
- 6 მნიშვნელოვანია, საქართველოს ხელისუფლების აღიარება საქმედ იქცეს – ზახაროვა აგვისტოს ომზე
32 წლის თორნიკე ფაღავა აჭარიდანაა და საჯარო მმართველობის მაგისტრია. 2024 წლის საპარლამენტო არჩევნებისთვის ის „ქართული ოცნების“ სიაში 103-ე ნომრად იყო წარდგენილი.
„თორნიკე ფაღავა - ახალგაზრდა კაცი, ბათუმელი, პროფესიონალი იურისტი, რომელიც ჩვენთან მუშაობდა „ქართული ოცნების“ ფრაქციაში“, – ასე წარადგინა მამუკა მდინარაძემ, საპარლამენტო უმრავლესობის მაშინდელმა ლიდერმა, თორნიკე ფაღავა 2024 წლის სექტემბერში, ბათუმში, „ქართული ოცნების“ საპარლამენტო სიის წარდგენისას.
2025 წლის აპრილში ფაღავამ პარტიას 50 000 ლარი შესწირა.
თორნიკე ფაღავა სამშენებლო კომპანიების – შპს „ტემპო აა“-სა და შპს „ტემპო ჰოლდინგის“ დამფუძნებელი-პარტნიორი იყო. 2025 წლის 5 აგვისტოს მან „ტემპო აა“-ს 31%-იანი წილი 5000 ლარად, ხოლო „ტემპო ჰოლდინგის“ 26%-იან წილი 50 000 აშშ დოლარად გიორგი დავითაძეს, ვლადიმერ გასიტაშვილსა და ბექა გასიტაშვილს მიჰყიდა.
კონსტიტუციის მიხედვით, პარლამენტის წევრს უფლება არა აქვს ეწეოდეს სამეწარმეო საქმიანობას.
