„ქართული ოცნების“ გენერალური მდივანი და თბილისის მერი კახა კალაძე აცხადებს, რომ თანამდებობის პირის ქონებრივი მდგომარეობის შესახებ დეკლარაციებს სწორად ავსებს.
ახალი ამბები
მკითხველის რჩეული
- 1 „სფერო ჰოლდინგის“ საქმეზე კიდევ ერთი პირი, სოფიკო პეტრიაშვილი დააკავეს
- 2 6 წელზე მეტი ასაკის ავტომობილების იმპორტი 1-ელი აპრილიდან აიკრძალება
- 3 ლავროვი: „3+3“ ფორმატში საქართველოსთვის კარი ღიაა
- 4 18 წლის ბიჭის მკვლელობისთვის ივანე გიგლემიანს უვადო პატიმრობა მიუსაჯეს
- 5 ტელეკომპანია „იმედი“ 1000 ლარად კომპანია „პრაიმ მედია გლობალმა“ იყიდა
- 6 მოზარდზე ძალადობისთვის გლდანი-ნაძალადევის პოლიციის უფროსის მოადგილე დააკავეს
„ვერ ნახავთ ვერცერთ ფაქტს, რომ მე რაიმე კანონსაწინააღმდეგო ჩამედინოს ან კანონის წინააღმდეგ რაიმე ნაბიჯები გადამედგას. მე ვარ შემდგარი ადამიანი. ცდილობთ, რომ ჩემი წარსული ცხოვრება წაშალოთ, მაგრამ ვერ მოახერხებთ ამას. იმიტომ, რომ წლების განმავლობაში ვიყავი მაღალანაზღაურებადი, მქონდა ძალიან მაღალი შემოსავალი და დღეს ვარ შემდგარი ადამიანი, დამოუკიდებელი ადამიანი“, - უთხრა კალაძემ ტელეკომპანია „პირველის“ ჟურნალისტს.
კახა კალაძის თქმით, „ძალიან სამწუხარო და დასანანია“ ყოფილი პრემიერ-მინისტრის, ირაკლი ღარიბაშვილის ირგვლივ განვითარებული მოვლენები.
„მე ირაკლის ძალიან დიდი ხანია ვიცნობ, 2012 წლიდან ერთად მოვდივართ, ჩვენი თანამებრძოლი იყო. ძალიან მწყდება გული, დანარჩენისთვის გამოძიებას დაველოდოთ“, - თქვა მან.
პროკურატურის განცხადებით, ყოფილი პრემიერ-მინისტრი ირაკლი ღარიბაშვილი, თანამდებობაზე ყოფნის დროს ფარულად ეწეოდა ბიზნესსაქმიანობას, იღებდა არალეგალური წარმომავლობის შემოსავლებს და მათი ლეგალიზაციის მიზნით, ქონებრივ დეკლარაციებში უთითებდა ყალბ მონაცემებს, თითქოს, დიდი ოდენობით თანხებს მამისგან ყოველწლიურად საჩუქრად იღებდა. ყოფილი პრემიერ-მინისტრის ბინის ჩხრეკის შედეგად 6 500 000 აშშ დოლარია ამოღებული.
ღარიბაშვილს ბრალად განსაკუთრებით დიდი ოდენობით უკანონო შემოსავლების ლეგალიზაცია წარედგინა, რაც 9-დან 12 წლამდე თავისუფლების აღკვეთას ითვალისწინებს. პროკურატურის თანახმად, ის დანაშაულს სრულად აღიარებს.
კრიტიკული მედია ირაკლი ღარიბაშვილს წლების განმავლობაში ამხელდა კორუფციასა და უკანონო გამდიდრებაში. ღარიბაშვილი ამტკიცებდა, რომ მის ოჯახს „აბსოლუტურად კანონიერი“ შემოსავლები ჰქონდა.
