ისრაელის არმიის ინფორმაციით, რადიკალური ისლამისტური მოძრაობა „ჰამასის“ თავდახსმების შედეგად დაღუპულთა რიცხვი 1200-მდე გაიზარდა. მოკლულთა გვამების ნაწილი ამ დრომდე არ არის ნაპოვნი. „ჰამასის“ მიერ კონტროლირებადი ღაზის სექტორის ე.წ. ჯანდაცვის სამინისტროს მონაცემებით, ისრაელის ავიადარტყმების შედეგად დაღუპულია 950 ადამიანი.
ახალი ამბები
მკითხველის რჩეული
- 1 სტრასბურგის სასამართლომ გელა მთივლიშვილის საქმის არსებითი განხილვა დაიწყო
- 2 სუს-მა ძებნა გამოაცხადა ლილუაშვილის ნათესავსა და ვანში „ოცნების“ დეპუტატზე, ბიჭიკო პაიკიძეზე
- 3 გაგლოევმა „ძალოვნებს“ დაავალა 4 ოქტომბრის არჩევნების წინ ე.წ. საზღვარზე სიტუაცია გააკონტროლონ
- 4 გლდანის ციხის ყოფილი დირექტორი დავით გოგობერიშვილი გარდაცვლილი იპოვეს
- 5 კობახიძე: სასურველი არ არის, მოსწავლემ პირველივე კურსიდან უცხოეთში განაგრძოს სწავლა
- 6 ხაზარაძე და გახარია: ჩვენს პარტიებს შორის ურთიერთთანამშრომლობის მემორანდუმი შედგა
ისრაელის თავდაცვის ძალებმა სრულად აღადგინეს კონტროლი ღაზის სექტორთან არსებულ საზღვარზე. მათი მონაცემებით, ლიკვიდირებულია 1500-მდე ტერორისტი.
„ჰამასს“ მძევლად ჰყავს აყვანილი 150-მდე ადამიანი, მათ შორის, უცხო ქვეყნის მოქალაქეებიც.
10 ოქტომბერს აშშ-ის პრეზიდენტმა ჯო ბაიდენმა მტრულად განწყობილი მხარეები გააფრთხილა, რომ ისრაელში შექმნილი ვითარებით არ ისარგებლონ. მისივე განცხადებით, შეკავების უზრუნველსაყოფად აშშ-მა რეგიონში სამხედრო ძალის პოზიციონირება გააძლიერა. აშშ-ის იარაღის პირველი პარტია ისრაელში, ნევატიმის ავიაბაზაზე დღეს ჩავიდა. უახლოეს დღეებში ისრაელში ჩასვლას გეგმავს აშშ-ის სახელმწიფო მდივანი ენტონი ბლინკენი.
თურქეთის პრეზიდენტმა რეჯეფ თაიფ ერდოღანმა განაცხადა, რომ ისრაელში ამერიკული ავიამზიდის ჩასვლას სერიოზული ხოცვა-ჟლეტის გამოწვევა შეუძლია. ერდოღანმა გააკრიტიკა ისრაელის გადაწყვეტილება, ღაზის სექტორის ბლოკადის თაობაზე. ისრაელის თავდაცვის მინისტრის ბრძანებით, ღაზის სექტორს ელექტროენერგიის, საწვავის და პროდუქტის მიწოდება შეწყვეტილი აქვს.
თურქეთის პრეზიდენტის თქმით, ომის დასამთავრებლად ძალისხმევას გააგრძელებს და ის საუბარს გამართავს რუსეთის პრეზიდენტ ვლადიმირ პუტინთან, ასევე, გაეროს გენერალურ მდივან ანტონიო გუტერეშთან.
ისრაელის პრემიერის ბენიამინ ნეთანიაჰუს მიერ გუშინ გაკეთებული განცხადების თანახმად, 7 ოქტომბრის მსგავსი მასშტაბის თავდასხმა და მსხვერპლი ებრაელებს არ ჰქონიათ მეორე მსოფლიო ომის დროს მათ წინააღმდეგ ჩადენილი ჰოლოკოსტის შემდეგ. ისრაელი ისეთი ოპერაციის ჩატარებას გეგმავს, რომელიც მას დაარწმუნებს, რომ „ჰამასს არანაირი სამხედრო შესაძლებლობა აღარ დარჩა.
„ჰამასმა“ ისრაელის ქალაქებზე სარაკეტო შეტევა 7 ოქტომბერს განახორციელა და ღაზის სექტორის მეზობელ რაიონებში ხმელეთიდანაც შეიჭრა. 8 ოქტომბერს ისრაელის მთავრობამ ქვეყანაში საომარი მდგომარეობა გამოაცხადა და ღაზის სექტორზე საავიაციო და საარტილერიო დარტყმები დაიწყო. რადიკალური ისლამისტური მოძრაობა, რომელიც ღაზის სექტორს აკონტროლებს, ისრაელს ოკუპანტ სახელმწიფოდ მიიჩნევს.
