ამერიკელმა ბიზნესმენმა, Tesla-ს დამფუძნებელმა ილონ მასკმა უარყო ინფორმაცია იმის შესახებ, რომ ჩეჩნეთის მეთაურს, რამზან კადიროვს ელექტრომობილი Cybertruck აჩუქა.
ახალი ამბები
მკითხველის რჩეული
- 1 რუსეთის 2 361 მოქალაქეს მიანიჭეს საქართველოს მოქალაქეობა 2024 წელს
- 2 სუს-ის ყოფილი უფროსი გრიგოლ ლილუაშვილი რეგიონული განვითარების მინისტრად აღარ დანიშნეს
- 3 თბილისის პოლიციის დეპარტამენტის დირექტორად ლაშა გოგნიაშვილი დაინიშნა
- 4 კობახიძე რუსეთის ხსენების გარეშე 9 აპრილზე პასუხისმგებლად „უცხოურ ძალას“ აცხადებს
- 5 რა წერია უცხოური გრანტების წინააღმდეგ „ქართული ოცნების“ კანონპროექტში
- 6 გადაალაგეს, სუს-იც თან გაატანეს არჩევნების გაყალბების ფუნქციით - მეზვრიშვილი ლილუაშვილზე
კადიროვმა 18 აგვისტოს განაცხადა, რომ მასკისგან ელექტრომობილი მიიღო, რომელსაც უკრაინაში რუსეთის მხარეს მებრძოლებს გადასცემს „შესაბამის პირობებში“ გამოსაყენებლად.
„დარწმუნებული ვარ, ეს „მხეცი“ ბევრ სარგელებლს მოუტანს ჩვენს მებრძოლებს. გულწრფელ მადლობას ვუხდი ილონ მასკს. ის, რა თქმა უნდა, ჩვენი დროის უძლიერესი გენიოსი და სპეციალისტია, დიდი ადამიანია. ილონ, მადლობა! ჩამოდი გროზნოში, მიგიღებ როგორც ყველაზე ძვირფას სტუმარს. არამგონია, რუსეთის საგარეო საქმეთა სამინისტორში ასეთი ვიზიტის წინააღმდეგები იყვნენ. და, რა თქმა უნდა, ველოდებით ახალ გამოგონებებს, რომლებიც სპეციალური სამხედრო ოპერაციის დასრულებას შეუწყობენ ხელს“, - დაწერა კადიროვმა Telegram-ზე.
ილონ მასკის თქმით, რამზან კადიროვისთვის ელექტროავტომობილი არ უჩუქებია. ჩეჩნეთის მეთაურის მიერ გავრცელებულ ინფორმაციას მან სოციალურ ქსელ X-ში გამოქვეყნებული განცხადებით უპასუხა: „სერიოზულად ისეთი ჩამორჩენილები ხართ, რომ გგონიათ, რუს გენერალს Cybertruck-ი ვაჩუქე? კიდევ ერთი მაგალითი იმისა, თუ რამდენს იტყუება ტრადიციული მედია“.
