გორის მუნიციპალიტეტის სოფელ რეხაში ყოფილმა პოლიციელმა ცოლი და სიდედრი მოკლა, რის შემდეგაც თავი მოიკლა. მკვლელობის ადგილას ექსპერტ-კრიმინალისტები და გამომძიებლები მუშაობენ.
ახალი ამბები
მკითხველის რჩეული
- 1 საპატრულო პოლიციამ შშმ პირს მანქანაში ჩააფსმევინა, შსს-ს 10 ათასის გადახდა დაეკისრა
- 2 283 ქოთანი და 7 კგ გამომშრალი მარიხუანა - დიზაინერ რატი რატიანს 15 წელი მიუსაჯეს
- 3 ბანკირის ენერგოპროექტი - გოგნის ქარის ელექტროსადგურისთვის კოლხურ ტყეებს გაჩეხავენ
- 4 სოხუმი მასშტაბური ენერგოკოლაფსის მიზეზად ენგურჰესზე მომხდარ ავარიას ასახელებს
- 5 ნატა ვიბლიანის გაუპატიურების ერთი ეპიზოდი მამის საფლავზე მოხდა - ადვოკატი
- 6 „საეჭვო გარემოება ვერ გამოვლინდა“ - შსს 2014 წელს გაუჩინარებული გურამ დადიანიძის საქმეზე
ქალი დაჭრეს კასპის რაიონის სოფელ ლამისყანაშიც. შინაგან საქმეთა სამინისტროში „საქართველოს ამბებს“ უთხრეს, რომ ლამისყანაში მომხდარ ფაქტზე გამოძიება დამამძიმებელ გარემოებებში განზრახ მკვლელობის მცდელობის მუხილით დაიწყო. დაკავებულია ქალის ოჯახის წევრი.
2022 წელს საქართველოში 21 ქალი მოკლეს, მკვლელობის მცდელობა კი 19 ქალზე ჰქონდათ.
2021 წელს - ქალის მკვლელობის 22, ხოლო მკვლელობის მცდელობის 31 ფაქტია რეგისტრირებული.
2020 წელს - 24 ქალი მოკლეს. რეგისტრირებულია ქალის მკვლელობის მცდელობის 27 ფაქტი.
2019 წელს - ქალის მკვლელობის 19 და მკვლელობის მცდელობის 22 ფაქტია რეგისტრირებული.
ქალებს ყველაზე ხშირად ქმრები კლავენ.
გენდერის, ასევე ოჯახური ნიშნით ჩადენილი ქალის განზრახ მკვლელობა ისჯება თავისუფლების აღკვეთით 16-დან 20 წლამდე ან უვადო თავისუფლების აღკვეთით.
2014-2022 წლებში ჩადენილია 186 ქალის მკვლელობა, ოჯახური ნიშნით - 92 ქალის მკვლელობა, ხოლო სხვა მოტივით - 94 ქალის მკვლელობა. ამავე პერიოდში ჩადენილია 129 ქალის მკვლელობის მცდელობა, მათ შორის, ოჯახური ნიშნით - 79 ქალის მკვლელობის მცდელობა, ხოლო სხვა მოტივით - 50 ქალის მკვლელობის მცდელობა.
