თავისუფალი სტილით მოჭიდავე გენო პეტრიაშვილმა (125 კგ) პარიზის 2024 წლის ოლიმპიადაზე ოქროს მედალი მოიპოვა. მან ფინალში ირანელი მეტოქე ამირ ჰოსეინ ზარე 10:9 დაამარცხა. მანამდე, ნახევარფინალში, პეტრიაშვილი აზერბაიჯანის სახელით მოასპარეზე გიორგი მეშვილდიშვილს შეხვდა და 7:0 სძლია.
ახალი ამბები
მკითხველის რჩეული
- 1 ნარკოტიკების ზედოზირებას თბილისში კიდევ 3 ახალგაზრდა ემსხვერპლა
- 2 ვლადიკავკაზში ქორწილის მონაწილეები საქართველოს დროშების გამოყენებისთვის დააპატიმრეს
- 3 ქართველი სამხედრო მფრინავი ზვიად ბექაური დაიღუპა კონგოს დემოკრატიულ რესპუბლიკაში
- 4 პანკისში მალხაზ მაჩალიკაშვილის ავტომობილი დააზიანეს
- 5 „სიკვდილი ამერიკას, სიკვდილი ისრაელს“ - ფონიჭალის მეჩეთმა მოჯთაბა ხამენეის მიმართვა გააზიარა
- 6 მოქალაქე თიანეთის პოლიციას სექსუალური ხასიათის მუქარასა და ძალადობაში ადანაშაულებს
გენო პეტრიაშვილს რიოს 2016 წლის ოლიმპიურ თამაშებზე ბრინჯაოს, ხოლო ტოკიოს 2020 წლის ოლიმპიადაზე ვერცხლის მედლები აქვს მოპოვებული. ის მსოფლიოს სამგზის და ევროპის ორგზის ჩემპიონიცაა.
„ემოციებს ვერ გეტყვით. მძინავს ახლა და მგონია, სიზმარში ვარ, არ გამეღვიძოს. მადლობა გულშემატკივრებს, ყველას სათითაოდ. რომ დავწყნარდები, კიდევ გეტყვით. უფალს მადლობა! დავბრუნდი, თან მაგრად დავბრუნდი!“, - განაცხადა პეტრიაშვილმა გამარჯვების შემდეგ. ოლიმპიადაზე მან საქართველოს მეორე ოქროს მედალი მოუტანა.
ამ დროისთვის საქართველოს სამი ოქროს, ორი ვერცხლის და ერთი ბრინჯაოს მედალი აქვს. მესამე ოქრო ძალოსანმა ლაშა ტალახაძემ მოიპოვა.
