2023 წლის პირველი ექვსი თვის განმავლობაში, აფხაზეთის საოკუპაციო ხაზის სიახლოვეს, დე ფაქტო უსაფრთხოების სამსახურის და რუსეთის უსაფრთხოების ფედერალური სამსახურის სასაზღვრო სამმართველოს თანამშრომლებმა 400-ზე მეტი ადამიანი დააკავეს „სასაზღვრო რეჟიმის დარღვევის“ გამო. ამ მონაცემებს აფხაზეთის დე ფაქტო ხელისუფლება აქვეყნებს.
ახალი ამბები
მკითხველის რჩეული
- 1 ირაკლი ღარიბაშვილი მხნედაა, საზოგადოებისთვის გზავნილი არ დაუბარებია – ადვოკატი
- 2 შსს ოზურგეთში მომხდარზე: სუს-ის თანამშრომელმა იარაღი ამოიღო, მაგრამ არ გამოუყენებია
- 3 ზახაროვა: რუსეთის წყალობით საქართველო ეკონომიკის ზრდის რეკორდულ ტემპს აჩვენებს
- 4 ლავროვი: „3+3“ ფორმატში საქართველოსთვის კარი ღიაა
- 5 მიხეილ ყაველაშვილმა ნათლისღებასთან დაკავშირებით 159 მსჯავრდებული შეიწყალა
- 6 „სფერო ჰოლდინგის“ საქმეზე კიდევ ერთი პირი, სოფიკო პეტრიაშვილი დააკავეს
ამავე პერიოდში, ე.წ. აფხაზეთის რესპუბლიკის საზღვრის უკანონო გადაკვეთის მუხლით ექვსი სისხლის სამართლის საქმე აღიძრა.
„ექვს თვეში მდინარე ენგურზე საქონლის უკანონოდ გადატანის რვა მცდელობა აღიკვეთა, ამოღებული იქნა 600-ზე მეტი ბლოკი სიგარეტი და კრიპტოვალუტის ექვსი მაინერი“, - აცხადებენ ე.წ. სახელმწიფო უსაფრთხოების სამსახურში
ცოტა ხნის წინ, საოკუპაციო ხაზთან დაკავებების შესახებ მონაცემები გამოაქვეყნა ოკუპირებული ცხინვალის რეგიონის „ხელისუფლებამაც“. კერძოდ, სამხრეთ ოსეთის დე ფაქტო რესპუბლიკის სახელმწიფო უსაფრთხოების კომიტეტის სასაზღვრო სამსახურმა განაცხადა, რომ 2023 წლის პირველ ექვს თვეში, „სახელმწიფო საზღვრის“ სხვადასხვა მონაკვეთზე 185 სამართალდამრღვევი დააკავეს. მათგან 121 დააჯარიმეს, 3 - ჯარიმის გარეშე გააძევეს „რესპუბლიკიდან“, 46 - გააფრთხილეს, ხოლო 7-ის წინააღმდეგ სისხლის სამართლის საქმეა აღძრული.
საქართველოს სახელმწიფო უსაფრთხოების სამსახური უკანონო დაკავებების შესახებ შემაჯამებელ ინფორმაციას წლიურ ანგარიშებში აქვეყნებს. სუს-ის მონაცემების მიხედვით, 2022 წლის განმავლობაში საოკუპაციო ძალებმა ოკუპირებული ცხინვალის რეგიონის მიმართულებით უკანონოდ დააკავეს - 44, ხოლო ოკუპირებული აფხაზეთის მიმართულებით 13 პირი. უკანონო დაკავებების გარდა, როგორც სუს-ი აღნიშნავს, საქართველოს ცენტრალურ ხელისუფლებაზე ზეწოლის მიზნით, რუსეთი განაგრძობდა უკანონო ე.წ. ბორდერიზაციის პროცესს და უსაფრთხოების გარემოს დამაზიანებელ სხვა აქტივობებს.
