პროკურატურამ „სილქ როუდ ჯგუფის“ დამფუძნებელს, ბიზნესმენ გიორგი რამიშვილს, იგივე „ზარალას“, ბრალდება სისხლის სამართლის კოდექსის 236-ე მუხლის მე-4 ნაწილით წარუდგინა, რაც ცეცხლსასროლი იარაღის მართლსაწინააღმდეგო ტარებას გულისხმობს და 4-დან 7-წლამდე პატიმრობით ისჯება.
ახალი ამბები
მკითხველის რჩეული
- 1 მზია ამაღლობელს ერთ თვალში მხედველობა 10 %-მდე შეუმცირდა, მეორეში - 0,04 %-ია - ადვოკატი
- 2 ივანიშვილ-კუპრაშვილის ბიურომ რუსული კანონების აღსრულება დაიწყო - არასამთავრობოები
- 3 მასობრივი ცენზურა - დევნა Facebook-ის სტატუსებისთვის
- 4 რიჟვაძის საქმეზე საზღვაო ტრანსპორტის სააგენტოს დირექტორი ალექსი ახვლედიანი დააკავეს
- 5 სალომე ზურაბიშვილი 5 000 ლარით დააჯარიმეს გზის გადაკეტვისთვის
- 6 საკადრო ცვლილებები შსს-ში - ხარაზიშვილი გაათავისუფლეს, კუპატაძე და სირაძე ჩამოაქვეითეს
გიორგი რამიშვილი გუშინ, 6 ივლისს, თბილისის საერთაშორისო აეროპორტში დააკავეს იმ დროს, როდესაც ქვეყნიდან მიემგზავრებოდა.
პროკურატურის განცხადებით, გამგზავრების ტერმინალში, რედგენო-სკანერით შემოწმებისას ბრალდებულს ხელბარგში აღმოაჩნდა მასზე შენახვის უფლებით რეგისტირებული WALTHER PPK/S“ მოდელის 9 მმ კალიბრის ცეცხლსასროლი პისტოლეტი, მჭიდითა და 7 ცალი, 9 მმ კალიბრის საბრძოლო ვაზნით, რასაც მართლსაწინააღმდეგოდ ატარებდა.
ბიზნესმენის ინტერესებს ადვოკატი ირმა ჭკადუა იცავს. მან ჟურნალისტებს ინტერვიუ ბრალის წარდგენამდე მისცა და განაცხადა, რომ თავად რამიშვილი განმარტავს, როგორ აღმოჩნდა იარაღი იქ, სადაც აღმოჩნდა.
„ბატონი გიორგი ამბობს იმას, რომ მოხდა გაუთვალისწინებელი რამ, შეიძლება ამას ეწოდოს შეცდომაც კი. საზოგადოებაში გაჩენილ კითხვებთან დაკავშირებით ბატონ გიორგის ექნება შესაძლებლობა მინიმუმ წერილობით მაინც გააკეთოს განცხადება. [...] არანაირად პოლიტიკურ პროცესებს არ უკავშირებს ამ ინციდენტს“, - თქვა ჭკადუამ.
პროკურატურა ბრალდებულისთვის აღკვეთის ღონისძიების სახით პატიმრობის შეფარდებას ითხოვს. სასამართლო სხდომა, სავარაუდოდ, ხვალ გაიმართება.
