Դատախազությունը Քրեական օրենսգրքի 236-րդ հոդվածի 4-րդ մասով մեղադրանք է առաջադրել Silk Road Group-ի հիմնադիր, գործարար Գիորգի Ռամիշվիլիին, ով հայտնի է նաև «Զարալա» մականունով։ Ռամիշվիլին մեղադրվում է անօրինական զենք կրելու մեջ և նրան սպառնում է 4-ից 7 տարվա ազատազրկում։
Լրահոս
Ընթերցողի ընտրանի
- 1 Որևէ ոստիկան պատասխանատվության ենթարկվե՞լ է, նման դեպք չկա․ Իոսելիանի
- 2 Սալոմե Զուրաբիշվիլին ճանապարհը փակելու համար տուգանվել է 5000 լարիով
- 3 Իսրայելը հարվածել է Իրանի միջուկային ենթակառուցվածքին
- 4 Ուկրաինայի պատերազմում զոհվել է վրացի մարտիկ՝ 22-ամյա Դեմետրե Դարչիան
- 5 Դատարանը Ադրբեջանում ձերբակալված Ռուսաստանի քաղաքացիներին դատապարտել է նախնական կալանքի
- 6 «Վրացական երազանքի» էկոնոմիկայի նախարար Լևան Դավիթաշվիլին ազատվել է պաշտոնից
Գիորգի Ռամիշվիլին ձերբակալվել է երեկ՝ հուլիսի 6-ին, Թբիլիսիի միջազգային օդանավակայանում՝ երկրից դուրս գալու ժամանակ։
Դատախազության տվյալներով՝ մեկնման տերմինալում սկաների ստուգման ժամանակ մեղադրյալի ձեռքի ուղեբեռում հայտնաբերվել է WALTHER PPK/S մոդելի 9 մմ տրամաչափի ատրճանակ՝ փամփշատուփով և 7 հատ 9 մմ տրամաչափի փամփուշտներով, որոնք գրանցված են եղել պահելու իրավունքով, և որոնք նա ապօրինի տեղափոխել է։
Գործարարի շահերը պաշտպանում է փաստաբան Իրմա Չկադուան։ Նա հարցազրույց է տվել լրագրողներին մեղադրանքի առաջադրումից առաջ և նշել, որ Ռամիշվիլին ինքը կբացատրի, թե ինչպես է զենքը հայտնվել այնտեղ։
«Պարոն Գիորգին ասում է, որ տեղի է ունեցել անսպասելի բան, դա նույնիսկ կարելի է սխալ անվանել: Պարոն Գիորգին հնարավորություն կունենա գրավոր հայտարարություն անել հասարակության մեջ բարձրացված հարցերի վերաբերյալ: [...] Ես այս միջադեպը ոչ մի կերպ չեմ կապում քաղաքական գործընթացների հետ», - ասել է Չկադուան։
Դատախազությունը միջնորդում է մեղադրյալի նկատմամբ որպես խափանման միջոց կիրառել կալանք: Դատական նիստը նախատեսվում է անցկացնել վաղը:
